ତେଲେଙ୍ଗାନା(ବଡ଼ ଖବର ବ୍ୟୁରୋ):ସଂରକ୍ଷଣକୁ ନେଇ ରାହୁଲ ଗାନ୍ଧୀ ପ୍ରଧାନମନ୍ତ୍ରୀଙ୍କୁ ଟାଗେର୍ଟ କରିଛନ୍ତି । ପ୍ରଧାନମନ୍ତ୍ରୀ ଓବିସି, ଏସସି-ଏସଟି ଲୋକଙ୍କଠାରୁ ସଂରକ୍ଷଣ ଛଡ଼ାଇବାକୁ ଚାହୁଁଛନ୍ତି ବୋଲି ରାହୁଲ ଗାନ୍ଧୀ ଅଭିଯୋଗ କରିଛନ୍ତି । ରାହୁଲ ଗାନ୍ଧୀ ସୋମବାର ତେଲେଙ୍ଗାନାରେ ତାଙ୍କ ରୋଡ୍ ସୋ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂରକ୍ଷଣ ବନ୍ଦ କରିବାକୁ ତଥା ସମ୍ବିଧାନ ପରିବର୍ତ୍ତନ କରିବାକୁ ଚେଷ୍ଟା କରୁଥିବା କହିଛନ୍ତି ।
ରାହୁଲ କହିଛନ୍ତି ବିଜେପି ୪୦୦ ଆସନ ଜିତିଲେ ଦେଶର ସମ୍ବିଧାନ ପରିବର୍ତ୍ତନ ବିଷୟରେ କହୁଛନ୍ତି । ଜନସାଧାରଣଙ୍କୁ ଏହି ବିପଦକୁ ବୁଝିବାକୁ ପଡିବ ଏବଂ ଏହାକୁ ଦୃଷ୍ଟିରେ ରଖି କଂଗ୍ରେସକୁ ସମର୍ଥନ କରିବାକୁ ପଡିବ । ସେ କହିଛନ୍ତି ଆଜି ଦେଶର ଗରିବ ଲୋକ ଯାହା ପାଇଛନ୍ତି, ସବୁକିଛି ସମ୍ବିଧାନ ଦ୍ୱାରା ଦିଆଯାଇଛି, କିନ୍ତୁ ବିଜେପି ନେତାମାନେ ସମ୍ବିଧାନ ରଦ୍ଦ କରିବାକୁ କହୁଛନ୍ତି।
