ମାହାଙ୍ଗା(ବଡ଼ ଖବର ବ୍ୟୁରୋ): ଗଣକବି ସ୍ମୁତି ସାଂସଦ ଏବଂ ଶରତ କର ଅନିମା କର ଫାଉଣ୍ଡେସନ ପକ୍ଷରୁ ଓଡ଼ିଆ ଗୀତିନାଟ୍ୟ ଜଗତର ଅପ୍ରତିଦ୍ବନ୍ଦୀ ସ୍ରଷ୍ଠା ଗଣକବି ବୈଷ୍ଣବ ପାଣିଙ୍କ ୬୮ ତମ ସ୍ମୁତି ଉତ୍ସବ ଅନୁଷ୍ଠିତ ହୋଇଯାଇଛି । ଓଡ଼ିଆ ଜାତି ଏବଂ ଓଡ଼ିଆ ଭାଷାର ଅସ୍ମିତାକୁ ନେଇ ଲେଖନୀ ଚାଳନା କରିଥିବା ବୈଷ୍ଣବ ପାଣି ଚିର ବନ୍ଦନୀୟ । ଅନ୍ୟାୟ ଅତ୍ୟାଚାର ଏବଂ ଶୋଷଣ ବିରୁଦ୍ଧରେ ସାହିତ୍ୟ ମାଧ୍ୟମରେ ଜନ ଜାଗରଣ ସୃଷ୍ଟି କରୁଥିବା ଗଣକବିଙ୍କ ଆଦର୍ଶରେ ଅନୁପ୍ରାଣିତ ହେବାକୁ ବହୁ ବିଶିଷ୍ଟ ବ୍ୟକ୍ତିମାନେ ଆହ୍ୱାନ ଦେଇଥିଲେ ।
ଗଣକବିଙ୍କ ଜନ୍ମମାଟି କୋଠପଦା ଠାରେ ଆୟୋଜିତ ଏହି ସଭାରେ ଶିକ୍ଷାବିତ ରତ୍ନାକର ମହାନ୍ତି, ଅଧ୍ୟାପକ ପ୍ରଫୁଲ୍ଲ ସ୍ୱାଇଁ, ସାମାଜିକକର୍ମୀ ରୁଦ୍ର ନାରାୟଣ ସିଂ, ରାମଚନ୍ଦ୍ର ମହାପାତ୍ର, ରାମଚନ୍ଦ୍ର ବେହେରା, ଶୁଭେନ୍ଦୁ ସାମଲ, ଅଖିଳେଶ ମହାନ୍ତି, ପ୍ରମୁଖ ଯୋଗଦେଇ ଓଡ଼ିଆ ସାହିତ୍ୟର କ୍ରାନ୍ତିଦ୍ରଷ୍ଟା ପୁରୁଷ ବୈଷ୍ଣବ ପାଣିଙ୍କ ସ୍ମୁତି ଚାରଣ ସହିତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
