ବରଗଡ଼(ବଡ଼ ଖବର ବ୍ୟୁରୋ): ଆଜି ବରଗଡ଼ ବିଧାନସଭା ପାଇଁ ଭାରତୀୟ ଜନତା ପାର୍ଟି ପ୍ରାର୍ଥୀ ଅଶ୍ୱିନୀ ଷଡ଼ଙ୍ଗୀ ଉପଜିଲ୍ଲାପାଳଙ୍କ କାର୍ୟ୍ୟାଳୟରେ ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି । ଗୋବିନ୍ଦପାଲି ସ୍ଥିତ ବାସଭାବନରୁ ବାହାରି ଶିବ ମନ୍ଦିର ରୁ ପୂଜାର୍ଚ୍ଚନା କରି ଭଜନାଶ୍ରମ ସ୍ଥିତ ଜିରା ନଦୀ ପଡ଼ିଆରୁ ହଜାର ହଜାର କର୍ମୀ ଓ ସମର୍ଥକ ମାନଙ୍କ ଏକ ବିଶାଳ ଶୋଭାଯାତ୍ରାରେ ବାହାରି ଉପଜିଲାପାଳଙ୍କ କାର୍ୟ୍ୟାଳୟକୁ ଯାଇ ନାମାଙ୍କନ ପତ୍ର ଦାଖଲ କରିଥିଲେ । ସାଙ୍ଗରେ ନିଜ ସ୍ତ୍ରୀ କଳ୍ପନା ପୁଅ କାର୍ତିକ ଓ ବିଜେପିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ବିମ୍ବାଧର କୁଅଁର, ଲୋକସଭା ପ୍ରାର୍ଥୀ ପ୍ରଦୀପ ପୁରୋହିତ , ପୂର୍ବତନ ବରଗଡ଼ ସାଂସଦ ପ୍ରଭାସ ସିଂ ,ଡି ମୁରଲୀ କ୍ରିଷ୍ଣା ଓ ଅନେକ ବରିଷ୍ଠ ସଦସ୍ୟ ସାମିଲ ହୋଇଥିଲେ । ଚଳିତ ନିର୍ବାଚନରେ ଲୋକେ ନିଶ୍ଚୟ ଆଶ୍ରିବାଦ ଦେଇ ବିଜୟ କରିବେ ବୋଲି କହିଛନ୍ତି ବିଜେପି ପ୍ରାର୍ଥୀ ଅଶ୍ୱିନୀ ଷଡ଼ଙ୍ଗୀ ।
