Paytmକୁ ନେଇ ଆସିଲା ବଡ଼ ଖବର, ପ୍ଲେ ଷ୍ଟୋରରୁ ବାଦ୍ ଦେଲା ଗୁଗୁଲ

ଅନଲାଇନ୍ ପେମେଣ୍ଟ ପ୍ଲାଟଫର୍ମ ପେ ଟିଏମକୁ ବଡ଼ ଝଟକା । ଜୁଆ ନୀତି (gambling policies) ଉଲ୍ଲଂଘନ ଅଭିଯୋଗରେ ପେ ଟିଏମ୍ ବିରୋଧରେ ଗୁଗୁଲ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଗୁଗୁଲ୍ ପ୍ଲେ ଷ୍ଟୋରରୁ ପେ ଟିଏମର ୨ଟି ଆପ୍ଲିକେସନକୁ ଅପସାରଣ କରିଛି ।

ମିଳିଥିବା ସୂଚନା ମୁତାବକ ପେ ଟିଏମ୍ ଓ ପେ ଟିଏମ୍ ଗେମ୍ସକୁ ପ୍ଲେ ଷ୍ଟୋରରୁ ଗୁଗୁଲ୍ ହଟାଇ ଦେଇଛି । ଉଭୟ ଆପ୍ ଦ୍ୱାରା ଲୋକଙ୍କୁ ଜୁଆ ଖେଳ ପ୍ରତି ପ୍ରୋତ୍ସାହନ ଦିଆଯାଉଥିବା ନେଇ ଅଭିଯୋଗ ହେଉଥିଲା । ଏହା ପରେ ପେ ଟିଏମକୁ ପ୍ଲେ ଷ୍ଟୋରରୁ ହଟାଇ ଦେଇଛି ଗୁଗୁଲ୍ ।