ଆଉ ରାହୁଲଙ୍କୁ କେହି ଡାକିବେନି‘ପପୁ’ : ଶରଦ ପାୱାର

ନୁଆଦିଲ୍ଲୀ (ବଡ଼ ଖବର ବ୍ୟୁରୋ): ଏନସିପି ନେତା ଶରଦ ଦଳ ମୁଖ୍ୟ ଶରଦ ପାୱାର କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ସମ୍ପର୍କରେ ଏକ ବଡ଼ ମନ୍ତବ୍ୟ ଦେଇଛନ୍ତି । ନିର୍ବାଚନ ଫଳାଫଳ ଦେଖିବା ପରେ ପାୱାର କହିଛନ୍ତି ବର୍ତ୍ତମାନ ରାହୁଲ ଗାନ୍ଧୀଙ୍କୁ ଆଉ କେହି ‘ପପୁ’ ଡାକିବେ ନାହିଁ । ୨୦୧୪ ନିର୍ବାଚନରେ କଂଗ୍ରେସ ମାତ୍ର ୪୪ଟି ଆସନ ପାଇଥିବାବେଳେ ୨୦୧୯ରେ ସର୍ବ ପୁରାତନ ଦଳ ୫୨ଟି ଆସନ ଜିତିଥିଲା । ୨୦୧୪ରେ ରାହୁଲ ଗାନ୍ଧୀ ଦଳର ଉପାଧ୍ୟକ୍ଷ ଥିବାବେଳେ ସୋନିଆ ଗାନ୍ଧୀ ଅଧ୍ୟକ୍ଷ ଥିଲେ। ଏଥି ସହିତ, ୨୦୧୯ରେ ରାହୁଲ ନିର୍ବାଚନରେ କଂଗ୍ରେସ ଅଧ୍ୟକ୍ଷ ଭାବରେ ପ୍ରତିଦ୍ୱନ୍ଦ୍ୱିତା କରିଥିଲେ। କିନ୍ତୁ ପରାଜୟ ପରେ ସେ ଦଳର ମୁଖ୍ୟ ପଦରୁ ଇସ୍ତଫା ଦେଇଥିଲେ । ୨୦୨୪ ନିର୍ବାଚନରେ କଂଗ୍ରେସ ପୂର୍ବ ଦୁଇଟି ପ୍ରଦର୍ଶନ ଅପେକ୍ଷା ବହୁତ ଭଲ ପ୍ରଦର୍ଶନ କରି ୯୯ ଟି ଆସନ ଦଖଲ କରିଛି।