ସାହାରାପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡା ସେକ୍ସନ ମାଛଗଡ ବିଟ୍ ଖଡିକାପଦା ପଞ୍ଚାୟତର ବିଭିନ୍ନ ଗ୍ରାମରେ ୨୨ଟିକିଆ ଝାଡ଼ଖଣ୍ଡୀ ହାତୀପଲଙ୍କ ଉତ୍ପାତ ଦେଖିବାକୁ ମିଳିଛି। ତେବେ ହାତୀପଲ ଖଡିବେଡା ଗାଁର ରାମଚନ୍ଦ୍ର ଦାଶଙ୍କ ଘର ଭାଙ୍ଗିବା ସହ ଧାନ ଚାଉଳ ଖାଇ ନଷ୍ଟ କରିଛନ୍ତି। ସେହିପରି ଖଡିକାପଦା ଗାଁର ଗୋବିନ୍ଦ ଚନ୍ଦ୍ର ମହାନ୍ତ ଓ ସୁରେନ୍ଦ୍ର ନାଥ ମାଝୀ, ଚକ୍ରଧର ମହାନ୍ତଙ୍କ ଧାନ ଖାଇବା ସହ ଦଳିଚକଟି ନଷ୍ଟ କରି ଦେଇଛନ୍ତି। ଗ୍ରାମରେ ବିଭିନ୍ନ ଘରର ଧାନ ଓ ବୋଇତଆଳୁ ଫସଲ ନଷ୍ଟ କରିଛନ୍ତି ହାତୀପଲ ।ଏବେ ମୟୂରଭଞ୍ଜ ଟିକାସିଲ୍ କାଜୁବାଗାନରେ ହାତୀପଲ ଡେରା ପକାଇଥିବାବେଳେ ସାହାରପଡ଼ା ବନପାଳ ଭୂପତି ସେଠୀ, ପାରାଷ୍ଟାଫ ପ୍ରମୁଖ ହାତୀପଲଙ୍କ ଗତିବିଧି ଉପରେ ତୀକ୍ଷ୍ଣ ନଜର ରଖିଛନ୍ତି ।
