୧୫ ମିନିଟରେ ୩ଟି ଡୋଜ!
ମୁମ୍ବାଇ(ବଡ଼ ଖବର ବ୍ୟୁରୋ): ଦେଶରେ ଟିକାକରଣ ଅଭିଯାନ ଜୋରଦାର ଚାଲିଛି । ଏହାରି ମଧ୍ୟରେ ମହାରାଷ୍ଟ୍ର ଥାନେରୁ ଆସିଛି ଏକ ସାଂଘାତିକ ଖବର । ଜଣେ ମହିଳାଙ୍କୁ ମାତ୍ର ୧୫ ମିନିଟ ମଧ୍ୟରେ ଜଣେ ମହିଳାଙ୍କୁ ଦିଆଯାଇଛି କରୋନାର ୩ଟି ଡୋଜ । ତେବେ ମହିଳା ଜଣକ ଆଣିଥିବା ଏହି ଅଭିଯୋଗକୁ ମେଡିକାଲ କର୍ତ୍ତୁପକ୍ଷ ଖଣ୍ଡନ କରିଛି । ରିପୋର୍ଟ ମୁତାବକ ଯେଉଁ ମହିଳାଙ୍କୁ ଏହି ଅଭିଯୋଗ ଆଣିଛନ୍ତି ତାଙ୍କ ସ୍ୱାମୀ କହିଛନ୍ତି ମୁଁ ମୋ ପତ୍ନୀକୁ ଶୁକ୍ରବାର ଟିକା ଦେବା ପାଇଁ ଟିକାକରଣ କେନ୍ଦ୍ରକୁ ନେଇଥିଲି । ସେଠାରୁ ବାହାରି ମୋ ପତ୍ନୀ କହିଥିଲେ ଯେ, ତାଙ୍କୁ ତିନିଟି ଡୋଜ ଦିଆଯାଇଛି ।
ଏହାପରେ ଆମେ ଅଭିଯୋଗ କରିଥିଲୁ । କିନ୍ତୁ ପ୍ରଶାସନ ଏହି ଖବରକୁ ଖାରଜ କରିଛି । ଥାନେ ମ୍ୟୁନିସିପାଲ କର୍ପୋରେସନର ମେଡିକାଲ ସ୍ୱାସ୍ଥ୍ୟ ଡାକ୍ତର ଖୁସବୁ ତାୱରେ କହିଛନ୍ତି ଅଭିଯୋଗ କରିଥିବା ମହିଳାଙ୍କ ସ୍ୱାସ୍ଥ୍ୟ ପରୀକ୍ଷା ଯାଞ୍ଚ କରିବାକୁ ଏକ ମେଡିକାଲ ଟିମ ଯାଇଥିଲା । କିନ୍ତୁ ସେ ସମ୍ପୂର୍ଣ୍ଣ ସୁସ୍ଥ ଥିବା ଜଣା ପଡ଼ିଛି । ତେବେ ଏହି ଘଟଣା ପାଇଁ ଏକ କମିଟି ଗଠନ କରି ଏହାର ଯାଞ୍ଚ କରିବୁ ।
