ଗୁଜୁରାଟ(ବଡ଼ ଖବର ବ୍ୟୁରୋ): ଆଜି ପବିତ୍ର ମହାଶିବରାତ୍ରୀ । ପ୍ରତି ଶୈବ ପୀଠରେ ଲାଗିଛିି ଶ୍ରଦ୍ଧାଳୁଙ୍କ ଭିଡ଼ । ବିଭିନ୍ନ ଶୈବପୀଠରେ ବାବାଙ୍କ ପୂଜାର୍ଚ୍ଚନା କରାଯାଉଛି । ରଙ୍ଗୀନ ଆଲୋକମାଳା ସହ ସଜେଇ ହୋଇଛି ସମସ୍ତ ଶିବାଳୟ । ଶୃଙ୍ଖଳିତ ଦର୍ଶନ ପାଇଁ ମନ୍ଦିର ପ୍ରଶାସନ ଓ କମିଶନରେଟ ପୁଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । କିନ୍ତୁ ଗୁଜୁରାଟର ଧରାମପୁରରେ ନିଆରା ଢଙ୍ଗରେ ଦେଖିବାକୁ ମିଳିଛି ଶିବ ଲିଙ୍ଗ ।
ଭଗବାନ ଭୋଳାନାଥଙ୍କ ୩୧ ଲକ୍ଷ ରୁଦ୍ରକ ସହିତ ୩୧.୫ ଫୁଟ ଉଚ୍ଚ ଶିବଲିଙ୍ଗ ନିର୍ମାଣ କରିଛନ୍ତି । ଏହି ଶିବଲିଙ୍ଗ ଶୁକ୍ରବାର ଦିନ ମହାଶିବରାତ୍ରି ଉଦ୍ଦେଶ୍ୟରେ ଉନ୍ମୋଚିତ ହୋଇଥିଲା । ଏହା ସହିତ ଭୋଳାନାଥଙ୍କୁ ଭକ୍ତମାନେ ଧୁମଧାମରେ ପୂଜାର୍ଚ୍ଚନା କରିଛନ୍ତି । ଖାଲି ସେତିକି ନୁହେଁ ଲୋକମାନେ ଏହି ଶିବଲିଙ୍ଗ ଦେଖିବା ପାଇଁ ଦୂରାଦୂରାନ୍ତରୁ ଆସି ପହଞ୍ଚୁଛନ୍ତି ।
