ପୂର୍ବ ଶତ୍ରୁତାରୁ ଗୋଷ୍ଠୀ ସଂଘର୍ଷ

ଦଶରଥପୁର(ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ଭୟଙ୍କର ଗଣ୍ଡଗୋଳ । ଏହିଭଳି ଘଟଣା ଘଟିଛି ଯାଜପୁର ଜିଲ୍ଲା ମଙ୍ଗଳପୁର ଥାନା ଅନ୍ତର୍ଗତ ଥାଲକୁଡ଼ି ପଞ୍ଚାୟତର କସବା ସଠିବାଟି ଗ୍ରାମରେ । ଆଜି ସକାଳ ସମୟରେ ଉଭୟଙ୍କ ମଧ୍ୟରେ ବଚସା ହୋଇଥିଲା । ଇଟା, ପଥର, ମରଣାସ୍ତ୍ର ଧରି ଆକ୍ରମଣ ଦେଖିବା କୁ ମିଳିଛି । ଏଥିମଧ୍ୟରୁ ୫ ରୁ ଅଧିକ ଗୁରୁତର ଭାବେ ମଙ୍ଗଳପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରୁ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ମଙ୍ଗଳପୁର ପୋଲିସ ପହଞ୍ଚି ତଦନ୍ତ ଚଳାଇଛି ।

 ପୂର୍ବରୁ କୀର୍ତ୍ତନ, କାଳୀ ପୂଜା, ପାଲା ସମୟରେ ବିଭିନ୍ନ କଥାକୁ ନେଇ ବିବାଦ ସୃଷ୍ଟି ହୋଇଥିଲା । ବିଭିନ୍ନ ସମୟରେ ଥାନା ଏବଂ ସ୍ଥାନୀୟ ଭଦ୍ର ଲୋକଙ୍କ ଆପୋଷ ବୁଝାମଣା କରାଯାଇଥିଲେ ମଧ୍ୟ ଶାନ୍ତି ଫେରିନଥିଲା । ଆଜି ସକାଳେ ଉଭୟ ଉଭୟ ସାହିବାସୀ ପରସ୍ପର ଉପରକୁ କାଚ ବୋତଲ, ବାଡ଼ି, ଟେକା, ପଥର ଆଦି ଫୋପାଡ଼ିଥିଲେ । ଏଥିରେ ୨୦ରୁ ଅଧିକ ଲୋକେ ଗୁରୁତର ଆହତ ହୋଇଛନ୍ତି । ଉତ୍ତେଜନା ଥିବାରୁ ଘଟଣାସ୍ଥଳରେ ମଙ୍ଗଳପୁର ପୁଲିସ ମୁତୟନ ହୋଇଛି ।