ଭାରତର ପ୍ରଧାନମନ୍ତ୍ରୀଙ୍କୁ ହତ୍ୟା ଧମକ !

ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଗାମୀ ଅଷ୍ଟ୍ରେଲିଆ ଗସ୍ତ ପୂର୍ବରୁ ଏକ ଚାଞ୍ଚଲ୍ୟକର ଖବର ସାମ୍ନାକୁ ଆସିଛି। ପ୍ରଧାନମନ୍ତ୍ରୀ ମୋଦିଙ୍କୁ ଜୀବନରୁ ମାରିଦେବା ପାଇଁ ଏକ ଧମକ ମିଳିଛି, ଯାହା ପରେ ଦେଶର ସମସ୍ତ ସୁରକ୍ଷା ଏଜେନ୍ସି ହାଇ ଆଲର୍ଟରେ ଅଛନ୍ତି। ଏହି ଘଟଣାକୁ ଅତ୍ୟନ୍ତ ଗମ୍ଭୀରତାର ସହ ନେଇ ସରକାରୀ ସ୍ତରରେ ତୁରନ୍ତ ଏକ ଉଚ୍ଚସ୍ତରୀୟ ତଦନ୍ତ ଆରମ୍ଭ କରାଯାଇଛି। ପ୍ରଧାନମନ୍ତ୍ରୀଙ୍କ ଗୁରୁତ୍ୱପୂର୍ଣ୍ଣ ବିଦେଶ ଗସ୍ତ ପୂର୍ବରୁ ଏଭଳି ଧମକ ଆସିବା ସୁରକ୍ଷା ଦୃଷ୍ଟିକୋଣରୁ ଏକ ବଡ଼ ବିପଦ ବୋଲି ମନେ କରାଯାଉଛି। ଏହି ଧମକ କେଉଁଠାରୁ, କିପରି ଏବଂ କେଉଁ ଉଦ୍ଦେଶ୍ୟରେ ଆସିଛି, ତାହାର ସଠିକ୍ ଉତ୍ସ ଖୋଜି ବାହାର କରିବା ପାଇଁ ଭାରତର ଗୁଇନ୍ଦା ବିଭାଗ ଏବଂ ସାଇବର ସେଲ୍ ମିଳିତ ଭାବେ ତଦନ୍ତ କରୁଛନ୍ତି। କୌଣସି ଆତଙ୍କବାଦୀ ସଙ୍ଗଠନ କିମ୍ବା ବିଚ୍ଛିନ୍ନତାବାଦୀ ଗୋଷ୍ଠୀ ଏହା ପଛରେ ଅଛନ୍ତି କି ନାହିଁ, ତାହାର ମଧ୍ୟ ତନ୍ନ ତନ୍ନ କରି ତଦନ୍ତ କରାଯାଉଛି। ଅଷ୍ଟ୍ରେଲିଆ ରିର୍ପୋଟ ଅନୁସାରେ, ଜିଲାଇ ୯ରେ ମେଲବର୍ଣ୍ଣର ମାର୍ଭେଲ ଷ୍ଟାଡିୟମେରେ ଅନୁଷ୍ଠିତ ହେବାକୁ ଥିବା ମେଲବର୍ଣ୍ଣର ମିଟ୍ ମୋଦି ସମୁଦାୟ କାର୍ଯ୍ୟକ୍ରମର ପ୍ରଚାର ସମ୍ବନ୍ଧୀୟ ଫେସବୁକରେ ପୋଷ୍ଟ କରାଯାଇଥିଲା । ଏହି ପୋଷ୍ଟ ଜରିଆରେ ମୋଦିଙ୍କୁ ହତ୍ୟା ଧମକ ଆସିଥିଲା ।

“ଅବୁ ମୁସ୍ତାଫା” ନାମକ ଏକ ଫେସବୁକ୍ ଆକାଉଣ୍ଟରୁ କରାଯାଇଥିବା ସୂଚନା ମିଳିଛି । ଲେଖାଯାଇଥିଲା ଯେ, କାର୍ଯ୍ୟକ୍ରମ ସମୟରେ ଷ୍ଟାଡିୟମର ଛାତ ବନ୍ଦ ରଖିବା ଭଲ, ନହେଲେ ସେ ଅଷ୍ଟ୍ରେଲିଆକୁ ନିଜ ମୃତ୍ୟୁ ପାଇଁ ଆସୁଛନ୍ତି । ଅଷ୍ଟ୍ରେଲିଆ ରିପୋର୍ଟ ଅନୁସାରେ, ତଦନ୍ତକାରୀ ମାନେ ଏହି ଫସେବୁକ୍ ଆକାଉଣ୍ଟ ସହ ସଂଯୁକ୍ତ ଆଇପି ଆଡ୍ରେସକୁ ଚିହ୍ନଟ କରିଛନ୍ତି ଏବଂ ସେହି ଆଧାରରେ ତଦନ୍ତ ଜାରି ରଖିଛନ୍ତି । ପ୍ରାଥମିକ ସୂଚନା ଅନୁସାରେ, ଅଷ୍ଟ୍ରେଲିଆ ଫେଡେରାଲ୍ ପୁଲିସ୍ କାହାକୁ ଏପର୍ଯ୍ୟନ୍ତ ଗିରଫ କରି ନ ଥିବା ଜଣାପଡ଼ିଛି । ତେବେ ସୁରକ୍ଷା ସଂସ୍ଥା ଏହି ଧମକକୁ ଅତ୍ୟନ୍ତ ଗୁରୁତର ସହ ନେଇଛନ୍ତି ।

ପ୍ରଧାନମନ୍ତ୍ରୀଙ୍କ ଅଷ୍ଟ୍ରେଲିଆ ଗସ୍ତ ସମୟରେ ତାଙ୍କର କଡାକଡି ସୁରକ୍ଷା କରିବା ପାଇଁ ଅଷ୍ଟ୍ରେଲିଆର ଏକାଧିକ ସୁରକ୍ଷା ଏଜେନ୍ସି ମିଳିତ ଭାବେ କାର୍ଯ୍ୟ କରିବେ । ଅଷ୍ଟ୍ରେଲିଆ ଗସ୍ତ ବେଳେ ପ୍ରଧାନମନ୍ତ୍ରୀ ମୋଦିଙ୍କ ସୁରକ୍ଷାକୁ ସୁନିଶ୍ଚିତ କରିବା ଦିଗରେ କୌଣସି ପ୍ରକାରର ରିପୋର୍ଟ ଅନୁଯାୟୀ, ଭାରତୀୟ ସୁରକ୍ଷା ଅଧିକାରୀମାନେ ଅଷ୍ଟ୍ରେଲିଆର ସୁରକ୍ଷା ଏଜେନ୍ସିମାନଙ୍କ ସହ ନିରନ୍ତର ଯୋଗାଯୋଗରେ ଅଛନ୍ତି। ସମ୍ଭାବ୍ୟ ବିପଦକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀଙ୍କ ସୁରକ୍ଷା ପ୍ରୋଟୋକଲ୍‌ରେ ଆବଶ୍ୟକୀୟ ପରିବର୍ତ୍ତନ କରାଯିବା ସହ ଏହାକୁ ଆହୁରି କଡ଼ାକଡ଼ି କରାଯାଇଛି। ପ୍ରଧାନମନ୍ତ୍ରୀ ମୋଦିଙ୍କ ଏହି ଅଷ୍ଟ୍ରେଲିଆ ଗସ୍ତ ଦୁଇ ଦେଶ ମଧ୍ୟରେ କୂଟନୈତିକ ଏବଂ ବାଣିଜ୍ୟିକ ସମ୍ପର୍କକୁ ଏକ ନୂଆ ଦିଗ ଦେବ ବୋଲି ଆଶା କରାଯାଉଛି। ଉଭୟ ଦେଶ ମଧ୍ୟରେ ଅନେକ ଗୁରୁତ୍ୱପୂର୍ଣ୍ଣ ଦ୍ୱିପାକ୍ଷିକ ଚୁକ୍ତି ସ୍ୱାକ୍ଷରିତ ହେବାର କାର୍ୟ୍ୟକ୍ରମ ରହିଛି। ତେଣୁ ଏହି ବିଶେଷ ସମୟରେ ଆସିଥିବା ଧମକକୁ ସାଧାରଣ ଭାବେ ନ ନେଇ ପ୍ରଶାସନ ସଜାଗ ହୋଇଯାଇଛି। ତିନି ଦିନିଆ ଅଷ୍ଟ୍ରେଲିଆ ଗସ୍ତରେ ଯାଉଛନ୍ତି ମୋଦି । ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନି ଆଲବାନିଜ୍ଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ । ଏହି ବୈଠକ ଜୁଲାଇ ୮ରୁ୧୦ ପର୍ଯ୍ୟନ୍ତ ମେଲବୋର୍ନରେ ଆୟୋଜିତ ହେବ ।