ହଜି ଗଲା ମାନବିକତା

 ସୋର (ବଡ଼ ଖବର ବ୍ୟୁରୋ): ହଜି ଗଲା ମାନବିକତା, ପକ୍ଷାଘାତ ମହିଳାଙ୍କୁ ବ୍ରିଜ ତଳେ ଛାଡି ଚାଲି ଗଲେ ସ୍ୱାର୍ଥପର ମଣିଷ ।  ଏମିତି କିଛି ହୃଦୟ ବିଦାରକ ଦୃଶ୍ୟ ସାମ୍ନାକୁ ଆସିଛି ସୋର ଥାନା ୧୬ ନମ୍ବର ଜାତୀୟ ରାଜପଥ ଚପରପଦା ବ୍ରିଜ ତଳେ । ଜଣେ ମହିଳା ପକ୍ଷାଘାତ ରୋଗରେ ଛଟ ପଟ ହେଉଥିବା ବେଳେ ସ୍ଥାନୀୟ କିଛି ଯୁବକ ଏବଂ ସ୍ୱେଚ୍ଛାସେବୀ ଉଦ୍ଧାର କରି ସୋର ଡାକ୍ତରଖାନା ରେ ଚିକିତ୍ସା କରାଉଛନ୍ତି।

ମହିଳା ଜଣଙ୍କ କେନ୍ଦ୍ରାପଡ଼ା ରାଜକନିକା ନୁରୁଗାଁ ଅଞ୍ଚଳ ର ୫୦ ବର୍ଷୀୟ ନମିତା ସାହୁ ବୋଲି ଜଣା ପଡିଛି । ମହିଳା ଜଣକ ବିବାହ କରି ନଥିବା ବେଳେ ଘରେ ମା, ଭାଇ, ଭାଉଜ ରହିଛନ୍ତି । ମହିଳା ଜଣକ ପକ୍ଷାଘାତ ରୋଗରେ ପୀଡିତ ହେବା ପରେ ନିଜ ଗାଁକୁ ଯାଇଥିଲେ ହେଲେ ପରିବାର ଲୋକ ଗ୍ରହଣ କରିନଥିଲେ । ଫଳରେ ମହିଳାଙ୍କୁ ନେଇ ଏହି ନିଛାଟିଆ ବ୍ରିଜ ତଳେ ଛାଡିଚାଲି ଯାଇଥିଲେ ।