୨୨ ବର୍ଷ ତଳ ସେହି କାଳ ରାତ୍ରିର ଅପରାଧର ସିନ ରିକ୍ରିଏସନ କଲା ବିବନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବହୁ ଚର୍ଚ୍ଚିତ ବାରଙ୍ଗ ଗଣ ଦୁଷ୍କର୍ମ ମାମଲା । ମୁଖ୍ୟ ଅଭିଯୁକ୍ତ ବିବନ ବିଶ୍ୱାଳ କରିଛି ସିନ୍ ରିକ୍ରିଏସନ । ସିବିଆଇ ଟିମ ବିବନକୁ ବାରଙ୍ଗର ଘଟଣାସ୍ଥଳକୁ ନେଇ କ୍ରାଇମ ସିନ୍ ରିକ୍ରିଏସନ କରିଛି । କେମିତି ଥିଲା ୧୯୯୯ର ସେହି କାଳ ରାତିର କଳଙ୍କିତ କାହାଣୀ ସମ୍ପର୍କରେ ବିବନ ମୁହଁରୁ ସତ ବାହାର କରୁଛି ସିବିଆଇ । ସେହିଭଳି ଏହି କୁତ୍ସିତ କାଣ୍ଡ ପରେ କେମିତି ରାଜ୍ୟ ବାହାରକୁ ଖସିଯାଇଥିଲା? କେମିତି ନାଁ ବଦଳାଇ ଲୁଚି ବୁଲୁଥିଲା? କାହା ପ୍ରରୋଚନାରେ ଭିଆଇଥିଲା ଜଘନ୍ୟ ଅପରାଧ? କେଉଁମାନେ ତାକୁ ଫେରାର୍ କରାଇବାକୁ ସହଯୋଗ କରିଥିଲେ? ଏସବୁ ଦିଗକୁ ଫୋକସ୍ରେ ରଖି ବିବନ ମୁହଁରୁ ସତ ବାହାର କରିବାକୁ ଚେଷ୍ଟା କରୁଛି ସିବିଆଇ ।
ଅପହରଣ କରିବା ଠାରୁ ଆରମ୍ଭ କରି ଅପରାଧ ଘଟାଇବା ପର୍ଯ୍ୟନ୍ତ ଗୋଟି ଗୋଟି କରି ବଖାଣିଛି ଅଭିଯୁକ୍ତ ବିବନ । ପୁରୀ କେନାଲ ନିକଟସ୍ଥ ଜୟପାଟଣା ଗାଁର ଇଟାଭାଟି ଜଙ୍ଗଲକୁ ବିବନ ଦେଖାଇଛି । ପ୍ରଥମେ ଗୋଡି ସାହି ପାହାଡ ପରେ ବାଲୁଙ୍କେ ଜଙ୍ଗଲରେ ଡେମୋ ଦେଖାଇବା ପରେ ବାଲୁଙ୍କେ ଜଙ୍ଗଲରେ ସିବିଆଇ ଟିମକୁ ଡେମୋ ଦେଖାଇଥିଲା ବିବନ । ବାରଙ୍ଗ ଥାନାରେ କିଛି ସମୟ ଜେରା ପରେ ବିବନକୁ ସିବିଆଇ ଅଫିସକୁ ନିଆଯାଇଛି ।