ବାଲିଆପାଳ (ବଡ଼ ଖବର ବ୍ୟୁରୋ): ରାଜ୍ୟ ଓ କେନ୍ଦ୍ରସରକାର ପିଲାଙ୍କୁ ପ୍ରାକ୍ ଶିକ୍ଷା ପାଇଁ ଅଙ୍ଗନୱାଡି କେନ୍ଦ୍ର ଖୋଲି ଶିକ୍ଷା ସହିତ ପୃଷ୍ଟିକର ଆହାର ଯୋଗାଇ ଥାଆନ୍ତି। ତେବେ କିଛି ଅଙ୍ଗନୱାଡି ସେଣ୍ଟରରେ ଦିଦିମାନଙ୍କର ମନମାନି ତଥା ଏକଚାଟିଆ ବ୍ୟବହାରରେ ଅତିଷ୍ଠ ପିଲା ତଥା ଅଭିଭାବକ। ତେବେ ଏପରି ଏକ ଅଭିଯୋଗ ଆସିଛି ବାଲିଆପାଳ ବ୍ଲକ ସାଉଡି ପଞ୍ଚାୟତର ବୁଢିରାଣୀ ଅଙ୍ଗନୱାଡି ସେଣ୍ଟରରେ ।
ସେଣ୍ଟରର ଦିଦି ସରକାରୀ ଗାଇଡଲାଇନକୁ ଅମାନ୍ୟ କରି ନିମ୍ନମାନର ଖାଦ୍ୟ, କମ୍ ଅଣ୍ଡା ତଥା ପିଲା ତଥା ଅଭିଭାବକମାନଙ୍କୁ ଉଚିତ୍ ବ୍ୟବହାର ଦେଖାଉନଥିବା ଅଭିଯୋଗ ହୋଇଛି। ଛୋଟଛୋଟ ପିଲାମାନଙ୍କ ମଧ୍ୟରେ ପାତର ଅନ୍ତର ଘଟଣା ଦେଖିବାକୁ ମିଳୁଛି। ତେବେ ପିଲାଙ୍କ ମାଆମାନେ ଏହାର ପ୍ରତିବାଦ କଲେ ବିଭିନ୍ନ ଧମକ ମିଳୁଥିବାର ଅଭିଯୋଗ ହୋଇଛି। ତେବେ ଏହାର ବିଧିବଦ୍ଧ ତଦନ୍ତ ପାଇଁ ଗ୍ରାମବାସୀ ଦାବି କରିଛନ୍ତି। ତେବେ ଅଙ୍ଗନୱାଡି ଦିଦିଙ୍କୁ ଅଭିଯୋଗ ବାବଦରେ ଗଣମାଧ୍ୟମ ପକ୍ଷରୁ ପଚାରିବାରୁ କ୍ୟାମେରା ସାମ୍ନାରେ କିଛି କହିବେନି ବୋଲି କହିଛନ୍ତି।
