ଭୁବନେଶ୍ୱର (ବଡ଼ ଖବର ବ୍ୟୁରୋ): ଗୃହରେ ଶୂନ୍ୟକାଳରେ ବିଜେଡିକୁ ଟାର୍ଗେଟ କଲେ ବିଜେପି ବିଧାୟକ ବାବୁ ସିଂ। କହିଲେ ବିଜେଡି ନେତାଙ୍କ ହ୍ୟାଙ୍ଗଓଭର ଯାଇନାହିଁ।ମୁଖ୍ୟମନ୍ତ୍ରୀ ନାହାନ୍ତି କିନ୍ତୁ ଅନ୍ୟମାନେ ଅଛନ୍ତି । ମୁଁ କହିବାକୁ ଚାହୁଁଛି କି ଆମେ ଆଉ କିଛି ଦିନ ସେପଟେ ବସିଲେ ଭଲ ହୁଅନ୍ତା। କାହିଁକି ନା ଆଜି ବି ବିଜେଡିର ପୂର୍ବତନ ମନ୍ତ୍ରୀମାନେ ମନ୍ତ୍ରୀ ଭାବେ ନିଜର ନାମ ଫଳକ ମାରି ବିଭିନ୍ନ ପ୍ରକଳ୍ପ ଉଦ୍ଘାଟନ କରୁଛନ୍ତି।
ମୁଁ ତାଙ୍କୁ ପଚାରିବାକୁ ଚାହୁଁଛି ଆଉ ସେ କେତେ ନାମ ଫଳକ ରଖିଛନ୍ତି କୁହନ୍ତୁ ସେ ଲଗାଇ ଉଦ୍ଘାଟନ କରିସାରନ୍ତୁ ଆମେ ପୁଣି ସରକାରୀ ଦଳରେ ବସିବୁ। ଲକ୍ଷ୍ମୀସାଗର ଅଞ୍ଚଳରେ ଏକ ମଶାଣି ଉଦ୍ଘାଟନରେ ଯାହାର ଉଦ୍ଧାରଣ ରହିଛି। ବିଜେଡିର ପୂର୍ବତନ ମନ୍ତ୍ରୀ ବି ଆଜି ନିଜକୁ ମନ୍ତ୍ରୀ କହି ନାମ ଫଳକ ମରୁଛନ୍ତି। ଏହା ଉପରେ ବିଚାର କରନ୍ତୁ ବାଚସ୍ପତି ମହୋଦୟ ବୋଲି ଦାବି କରିଛନ୍ତି ବାବୁ ସିଂ। ମୁଁ ବି ମୋ ନାଁ କେଉଁଠି ନ ଲେଖିବାକୁ କହିଛି। କାହିଁକି ନା ଏମାନଙ୍କର ଆଜି ହ୍ୟାଙ୍ଗଓଭର ଯାଇନି।
