ଖେଳ ପାଲଟିଲା ମରଣ ଯନ୍ତା

ଭଦ୍ରକ(ବଡ଼ ଖବର ବ୍ୟୁରୋ): ଖେଳ ପାଲଟିଲା ହତ୍ୟାର କାରଣ । ତାସ ଖେଳରୁ ବିଭତ୍ସ ହତ୍ୟା । ଏଭଳି ଚାଞ୍ଚଲ୍ୟକାର ଘଟଣା ଭଦ୍ରକ ଜିଲ୍ଲାରେ ଦେଖବାକୁ ମିଳିଛି । ମୃତକ ଜଣକ ହେଲେ ଦୋଳସାହି ଅଞ୍ଚଳର ରବିନ୍ଦ୍ର ଖୁଣ୍ଟିଆ । ସୂଚନାନୁଯାୟୀ , ତିହିଡି ଥାନା ଅନ୍ତର୍ଗତ ଦୋଳସାହିରେ ରବିନ୍ଦ୍ର ତାସ ଖେଳୁଥିବା ସମୟରେ ଅଭିଯୁକ୍ତ ନାବାଳକଙ୍କ ସହ ଯୁକ୍ତିତର୍କ ଆରମ୍ଭ ହୋଇଥିଲା । ପରେ ନାବାଳକ ଜଣକ ରାଗିଯାଇ ପାଖରେ ଥିବା ଶିଳପୁଆ ରବିନ୍ଦଙ୍କ ଉପରକୁ ପକାଇଥିଲା । ଘଟଣାସ୍ଥଳରେ ରବିନ୍ଦ୍ରଙ୍କର ମୃତ୍ୟୁ ହୋଇଥିଲା ।

ପାରିବାରିକ କଳହକୁ କେନ୍ଦ୍ର କରି ଏଭଳି ହୋଇଥିବାର ଅଭିଯୋଗ ଆସୁଛି । ତେବେ ଅଭିଯୁକ୍ତ ଫେରାର ହୋଇଥିବା ବେଳେ ତିହିଡି ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।