ଭୁବନେଶ୍ୱର (ବଡ଼ ଖବର ବ୍ୟୁରୋ): ହୁ ହୁ ହୋଇ ବଢୁଛି ଦର । କରୋନା ସଙ୍କଟ ସମୟରେ ମହାଙ୍ଗା ମାଡ । ବୋଝ ଉପରେ ନଳିତା ବିଡା କହିଲେ ଭୁଲହେବ ନାହିଁ । ପେଟ୍ରୋଲ, ଡିଜେଲ ପରେ ରନ୍ଧନ ଗ୍ୟାସର ଚିନ୍ତା ଘାରିଛି ଲୋକଙ୍କୁ । ପେଟ୍ରୋଲ, ଡିଜେଲ ପରେ ଗ୍ୟାସ ଦର ମହଙ୍ଗା ।
ଛଅ ମାସରେ ୧୪୦ ଟଙ୍କା ବୃଦ୍ଧି ହୋଇଛି । ଗତ ୭ ବର୍ଷରେ ଦୁଇ ଗୁଣା ଦର ବୃଦ୍ଧି । ଦର ଦାମ ଉପରେ କେନ୍ଦ୍ର ସରକାରଙ୍କ ନିୟନ୍ତ୍ରଣ ନାହିଁ । ସିଲିଣ୍ଡର ପିଛା ୨୫ ଟଙ୍କା ୫୦ ପଇସା ମହଙ୍ଗା । ରନ୍ଧନ ଗ୍ୟାସ, ଇନ୍ଧନ ଦର ବୃଦ୍ଧିକୁ ନେଇ ଖାଉଟି ହେଉଛନ୍ତି ହନ୍ତସନ୍ତ । ପେଟ୍ରୋଲର ଦର ୧୦୦ ତଳକୁ ଖସୁନି । ଡିଜେଲ ୯୭ ଟଙ୍କା ଥିବା ବେଳେ ଗ୍ୟାସ ଦର ୮୬୧ ଟଙ୍କା ଉପରେ ରହିଲାଣି ।
