ଜମିବ ହୋଲି
ଭୁବନେଶ୍ୱର(ବଡ଼ ଖବର ବ୍ୟୁରୋ): ଦୁଇଦିନ ପରେ ରଙ୍ଗର ପର୍ବ ହୋଲି । ଗାଁଠୁ ସହର ଉତ୍ସବମୁଖର । ତେଣେ ଦୋଳବିମାନରେ ଦୋଳଗୋବିନ୍ଦଙ୍କ ଚାଚେରି ଭୋଗ ଲାଗି ଗାଁ ଗାଁରେ ସୃଷ୍ଟି କରିଛି ଆଧ୍ୟାତ୍ମିକ ପରିବେଶ । ଦୋଳରେ ବୁଲୁଛନ୍ତି ଦୋଳଗୋବିନ୍ଦ । ଭକ୍ତ ଦୁଆରରେ ଚାଚେରି ଭୋଗ ଖାଉଛନ୍ତି ଭଗବାନ୍ । ଦୋଳ ଉତ୍ସବ ପାଇଁ ଉତ୍ସବମୁଖର ଗାଁରୁ ସହର । ଦୋଳ ଦଶମୀରୁ ବିମାନରେ ବସି ବାହାରିଛନ୍ତି ରାଧାକୃଷ୍ଣ୍ । ବିମାନରେ ଝୁଲୁଛି ଆମ୍ବ ବଉଳ । ଦିଅଁଙ୍କୁ ହୋଇଛି ଅବିରଲାଗି । ସାହି ସାହିରେ ଚାଲିଛି ମେଲଣ । ଘଣ୍ଟ ଘଣ୍ଟା ଧ୍ୱନିରେ ଫାଟିପଡୁଛି ଗାଁ ଦାଣ୍ଡ ।
ସେପଟେ ରଙ୍ଗର ପର୍ବ ହୋଲି ପାଇଁ ବଜାର ବି ପ୍ରସ୍ତୁତ । ଏ ରାଜଧାନୀ ଭୁବନେଶ୍ୱରର ରଙ୍ଗଦୋକାନର ଚିତ୍ର । ମେଲିଛି ରଙ୍ଗର ପସରା । ବିଭିନ୍ନ ରଙ୍ଗର ଅବିର, ଭଳିକି ଭଳି ପିଚକାରୀ । ତେବେ କେମିକାଲ ରଙ୍ଗ ଅପେକ୍ଷା ଲୋକମାନେ ହର୍ବାଲ ରଙ୍ଗକୁ ଅଧିକ ପସନ୍ଦ କରୁଛନ୍ତି ବୋଲି ଦୋକାନୀ କହିଛନ୍ତି । କରୋନା ମାଡ଼ ପାଇଁଁ କମିଯାଇଥିଲା ହୋଲି ସେଲିବ୍ରେସନ । ଜମୁନଥିଲା ରଙ୍ଗର ପର୍ବର ମହକ । ଏଥର କିନ୍ତୁ ନୋ ଟେନ୍ସନ୍ । ନାହିଁ କିଛି ରୁଲ ରେଗୁଲେସନ । ସମସ୍ତେ ଖୁସିରେ ଲଗାଇବେ ରଙ୍ଗ । କହିବେ ହାପି ହୋଲି ।