ଜଙ୍ଗଲରୁ ଜବତ ହେଲା ବିପୁଳ ଅସ୍ତ୍ରଶସ୍ତ୍ର

ଜାମ୍ମୁ-କାଶ୍ମୀର (ବଡ଼ ଖବର ବ୍ୟୁରୋ): ଜଙ୍ଗଲରୁ ବିପୁଳ ଅସ୍ତ୍ରଶସ୍ତ୍ର ଜବତ । ସ୍ୱାଧୀନତା ଦିବସ ପୂର୍ବରୁ ଜାମ୍ମୁ-କାଶ୍ମୀରିର ପୁଞ୍ଚ ଜଙ୍ଗଲରୁ ଜବତ ହୋଇଛି ଏହି ଅସ୍ତ୍ରଶସ୍ତ୍ର । ବିଏସଏଫ୍ ଯବାନମାନେ ଏହି ଅସ୍ତ୍ରଶସ୍ତ୍ର ଜବତ କରିଛନ୍ତି । ଆଜି ରାଷ୍ଟ୍ରୀୟ ରାଇଫଲ୍ସ, ସ୍ପେସାଲ ଅପରେସନ୍ ଗ୍ରୁପ୍ ଓ ବିଏସଏଫ୍ ପକ୍ଷରୁ ପୁଞ୍ଚ ଜିଲ୍ଲାରେ ମିଳିତ ଅପରେସନ୍ ଆରମ୍ଭ ହୋଇଥିଲା ।

ଏହି ଅପରେସନ୍ ବେଳେ ଆତଙ୍କବାଦୀମାନେ ଲୁଚାଇ ରଖିଥିବା ଏକେ-୪୭ ରାଇଫଲ, ମାଗାଜିନ୍ସ, ଚୀନ୍ ନିର୍ମିତ ପିସ୍ତଲ, ଚାଇନା ନିର୍ମିତ ଗ୍ରେନେଡ, ଡେଟୋନେର, ଦୁଇଟି ମୋବାଇଲ୍ ଫୋନ୍ ପ୍ରଭୃତି ଜବତ ହୋଇଛି । ପଞ୍ଜାବ ପୋଲିସ ମଧ୍ୟ ଆଜି ଅମୃତସର ଜିଲ୍ଲାର ଏକ ଗାଁରୁ ଏକ ଟିଫିନ୍ ବୋମା ଉଦ୍ଧାର କରିଛି । ୨କେଜିର ଏହି ଆରଡିଏକ୍ସ ଟିଫିନ୍ ବୋମା ପାକିସ୍ତାନ ଡ୍ରୋନ୍ ମାଧ୍ୟମରେ ପକାଯାଇଥିବା ଅନୁମାନ କରାଯାଉଛି ।