ରାଜ୍ୟସଭାର ଉପବାଚସ୍ପତି ହେଲେ ମୁକ୍ତାର ଆବାସ ନକବୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ର କ୍ୟାବିନେଟ ମନ୍ତ୍ରୀ ତଥା ବିଜେପିର ବରିଷ୍ଠ ନେତା ମୁକ୍ତାର ଅବାସ ନକବୀ ହେଲେ ରାଜ୍ୟ ସଭା ଉପବାଚସ୍ପତି । ସଂସଦୀୟ ମାମଲାରେ ମୁକ୍ତାର ଆବାସଙ୍କ ଭଲ ଅଭିଜ୍ଞତା ରହିଥିବାରୁ ତାଙ୍କୁ ନିଯୁକ୍ତ କରାଯାଇଛି । ସେହିପରି ଏହାପୂର୍ବରୁ ରାଜ୍ୟସଭା ଉପବାଚସ୍ପତି ପଦରେ ଥିବା ପୀୟୁଷ ଗୋଏଲଙ୍କୁ ସଂସଦୀୟ ଦଳର ନେତା ଭାବେ ନିଯୁକ୍ତ କରାଯାଇଛି । ନକବୀ ମୋଦୀ ସରକାରଙ୍କ ପ୍ରଥମ କାର୍ୟ୍ୟକାଳରେ ସଂସଦୀୟ କାର୍ୟ୍ୟ ରାଜ୍ୟମନ୍ତ୍ରୀ ଭାବେ ସଂସଦରେ ପ୍ରଭାବଶାଳୀ ଭୂମିକା ନିଭାଇଥିବା ଦେଖିବାକୁ ମଳିଥିଲା ।
ମୁକ୍ତାର ଆବାସ ନକବୀ ୨୦୧୬ ମସିହାରେ ରାଜ୍ୟସଭାକୁ ସାଂସଦ ଭାବେ ନିର୍ବାଚିତ ହୋଇଥିଲେ । ଏହାପୂର୍ବରୁ ମୋଦୀ ସରକାରଙ୍କ ପ୍ରଥମ ପାଳିରେ ୨୦୧୪ ମସିହାରେ ଅଳ୍ପ ସଂଖ୍ୟକ ମାମଲା ଓ ସଂସଦୀୟ ମାମଲାର ରାଜ୍ୟମନ୍ତ୍ରୀ ଥିଲେ । ୨୦୧୬ ଜୁଲାଇ ୧୨ ତାରିଖରେ ନଜମା ହେପତୁଲ୍ଲାଙ୍କ ମୃତ୍ୟୁପରେ ନକବୀଙ୍କୁ କେନ୍ଦ୍ର ଅଳ୍ପସଂଖ୍ୟକ ମନ୍ତ୍ରଣାଳୟର ସ୍ୱତନ୍ତ୍ର ପ୍ରଭାରୀ ଭାବେ ଦାୟୀତ୍ୱ ମିଳିଥିଲା ।
ସେ ୨୦୧୯ ମେ ୩୦ ତାରିଖରେ ମୋଦୀ କ୍ୟାବିନେଟରେ ମନ୍ତ୍ରୀ ଭାବେ ଶପଥ ନେଇଥିଲେ । କହିରଖୁ କି ୧୯୮୦ ମସିହାରେ ପ୍ରଥମଥର ପାଇଁ ନକବୀ ଉତ୍ତରପ୍ରଦେଶରେ ଜନତା ପାର୍ଟି (ସେକ୍ୟୁଲାର) ଟିକେଟରୁ ବିଧାନସଭା ନିର୍ବାଚନ ଲଢି ପରାଜିତ ହୋଇଥିଲେ । ଏହାପରେ ସେ ୧୯୯୮ମସିହାରେ ପ୍ରଥମଥର ଲୋକସଭାକୁ ନିର୍ବାଚିତ ହୋଇଥିଲେ । ଏହାପରେ ଅଟଳ ବିହାରୀ ବାଜପେୟୀଙ୍କ ମନ୍ତ୍ରୀମଣ୍ଡଳରେ ସୂଚନା ଓ ପ୍ରସାରଣ ବିଭାଗର ରାଜ୍ୟମନ୍ତ୍ରୀ ହୋଇଥିଲେ ।