ମାମୁଁ କାନ୍ଧରେ ଭଣଜା ଶବ

ଢେଙ୍କାନାଳ (ବଡ଼ ଖବର ବ୍ୟୁରୋ): ପାଂଚ ବର୍ଷର ଶିଶୁ ଶବକୁ ଅସମ୍ମାନ । ଢେଙ୍କାନାଳ ହସ୍ପିଟାଲରୁ ମିଳିଲାନି ମହାପ୍ରୟାଣ । ପୁଅକୁ କାନ୍ଧରେ ବୋହି ନେଲେ ମାମୁଁ ଓ ଆଇ । ଏଭଳି ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲାରେ । ସଦରଥାନା ଭାପୁର ଭାଗିରଥିପୁର ଗାଁର ପାଂଚ ବର୍ଷର ଶିଶୁ ସଞ୍ଜୟ ଦେହୁରୀ ।

ସଞ୍ଜୟ ହସ୍ପିଟାଲରେ ଭର୍ତି ହେବା ପରେ ତାଙ୍କର ମୃତ୍ୟୁ ହୋଇଥିଲା । ମାତ୍ର ଡାକ୍ତରଖାନାରୁ ମହାପ୍ରୟାଣ ନମିଳିବାରୁ ଶିଶୁର ମୃତ ଦେହକୁ କାନ୍ଧରେ ପକାଇ ନେଉଥିଲେ ମାମୁଁ ଓ ଆଇ । କାନ୍ଧରେ ପକାଇ ନେବା ବେଳେ ବାଟରେ ସ୍ଥାନୀୟ ଲୋକେ ଅଟକାଇ ବେସରକାରୀ ଶବ ବୁହା ଗାଡିରେ ମୃତ ଦେହକୁ ଘରକୁ ପଠାଇଥିଲେ ।