ଚୀନ ନାଗରିକଙ୍କ ସୁରକ୍ଷା ପାଇଁ ପାକିସ୍ତାନ କରିଛି ସେନା ମୁତୟନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚୀନ ନାଗରିକଙ୍କ ସୁରକ୍ଷା ପାଇଁ ପାକିସ୍ତାନ କରିଛି ସେନା ମୁତୟନ । ଖୈବର ପଖତୁନଖ୍ବା ଅଞ୍ଚଳରେ ବିଭିନ୍ନ ବିକାଶମୂଳକ କାର୍ଯ୍ୟରେ ନିୟୋଜିତ ଚୀନ୍ ନାଗରିକଙ୍କ ସୁରକ୍ଷା ପାଇଁ ପାକିସ୍ତାନ ସ୍ବତନ୍ତ୍ର ସୁରକ୍ଷା ବାହିନୀର ୧୫୦୦ ପୁଲିସଙ୍କୁ ନିୟୋଜିତ କରିଛି। ଏସ୍‌ଏସ୍‌ୟୁ କର୍ମୀଙ୍କ ଛଡ଼ା ବିଭିନ୍ନ ଜିଲ୍ଲା ପୁଲିସ ଏବଂ ଇଲାଇଟ ଫୋର୍ସ ତଥା ପ୍ରଣ୍ଟିୟର ରିଜର୍ଭ ପୁଲିସ କର୍ମଚାରୀଙ୍କୁ ମଧ୍ୟ ଉକ୍ତ ଉତ୍ତରପଶ୍ଚିମ ପ୍ରଦେଶରେ ମୁତୟନ କରାଯାଇଛି।

ଆଇଜି ଅଖତର ହାୟତ ଖାନ୍‌ଙ୍କ କହିବା ଅନୁସାରେ ପାକିସ୍ତାନରେ ସମ୍ପ୍ରତି ଆତଙ୍କବାଦୀ କାର୍ଯ୍ୟକଳାପ ବୃଦ୍ଧି ପାଇଥିବାରୁ ପେଶାୱାର ଅଞ୍ଚଳରେ କାର୍ଯ୍ୟରତ ଚୀନ୍ ନାଗରିକମାନଙ୍କୁ ସୁରକ୍ଷା ଦେବା ପାଇଁ ପାକିସ୍ତାନ ସରକାର ଉପରୋକ୍ତ ପଦକ୍ଷେପ ନେଇଛନ୍ତି। ସେ କହିଛନ୍ତି ଯେ ଗତବର୍ଷ ଖୈବର ପଖତୁନଖ୍ବା ଅଞ୍ଚଳରେ ୪୯୫ଟି ଆତଙ୍କବାଦୀ ଆକ୍ରମଣ ଘଟିଛି। ଏ ପରିସ୍ଥିତିରେ ବିଦେଶୀ ନାଗରିକଙ୍କୁ ସୁରକ୍ଷା ଦେବା ସରକାରଙ୍କ ପାଇଁ ବଡ଼ ଚ୍ୟାଲେଂଜ ହୋଇଛି।