ଆଜିଠୁ ଓଡ଼ିଶାରେ ଦିଆଯିବ ସ୍ଫୁଟନିକ-ଭି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ଓଡ଼ିଶାରେ ଦିଆଯିବ ସ୍ଫୁଟନିକ-ଭି । ଭୁବନେଶ୍ୱରର କେୟାର ହସ୍ପିଟାଲରେ ଦିଆଯିବ ଏହି ଟିକା । କୋ-ୱିନ ଆପରେ ପଞ୍ଜିକରଣ କରିଥିବା ବ୍ୟକ୍ତିଙ୍କୁ ମଙ୍ଗଳବାର ଟିକା ଦିଆଯିବ । ଟିକାର ଦାମ ରହିଛି ୧୧୪୫ । ପ୍ରଥମ ଡୋଜର ୨୧ ଦିନ ପରେ ୨ୟ ଡୋଜ ଟିକା ନେଇପାରିବେ ।

କେନ୍ଦ୍ର ସରକାରଙ୍କ କୋ-ୱିନ ଆପକୁ ଯାଇ ‘ସ୍ପୁଟନିକ ଭି’ ପାଇଁ ସ୍ଲଟ ବୁକ କରିପାରିବେ । ଏହି ଟିକା ୯୧ ପ୍ରତିଶତରୁ ଅଧିକ ପ୍ରଭାବି ବୋଲି କୁହାଯାଉଛି । ଗତ ଜୁନ ୬ ତାରିଖରୁ ଭାରତରେ ଉପଲବ୍ଧ ହେଉଛି ସ୍ପୁଟନିକ ଭି । ପ୍ରଥମେ ଆପୋଲା ହସ୍ପିଟାଲରେ ମିଳିବା ପରେ ଏବେ ଅନ୍ୟ ହସ୍ପିଟାଲରେ ଏହି ଟିକା ମିଳୁଛି । ବର୍ତମାନ ସୁଦ୍ଧା ୬୦ ଟି ଦେଶରେ ସ୍ପୁଟନିକ ଭି ଟିକାର ବ୍ୟବହାର ହେଉଛି । ରୁଷିଆ ଗାମେଲିଆ ରିସର୍ଚ୍ଚ ସେଂଟର ପକ୍ଷରୁ ଏହାକୁ ବିକଶିତ କରାଯାଇଛି ।