ସୁପ୍ରିମକୋର୍ଟ: ଶାଶୁ ଘରେ ମହିଳା ଆଘାତ ହେଲେ ସ୍ୱାମୀ ଦାୟୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଶାଶୁ ଘରେ ମହିଳାମାନଙ୍କ ପ୍ରତି ଅତ୍ୟାଚାର ଦିନକୁ ଦିନକୁ ବଢିବାରେ ଲାଗିଛି । ସେ ଯୌତୁକ ନିର୍ଯାତନା ହେଉ କିମ୍ବା ମାନସିକ ନିର୍ଯାତନା, ପ୍ରତ୍ୟେକ ଦିନ ଶାଶୁଘରେ ନିର୍ଯାତିତ ହୁଅନ୍ତି ମହିଳାମାନେ । କିନ୍ତୁ ଏବେ ଶାଶୁ ଘରେ ମହିଳାଙ୍କ ପ୍ରତି କୌଣସି ପ୍ରକାର ଶାରୀରିକ ଆଘାତ ହେଲେ, ସେଥିପାଇଁ ସ୍ୱାମୀ ହିଁ ଦାୟୀ ରହିବେ ବୋଲି ସୁପ୍ରିମକୋର୍ଟ କହିଛନ୍ତି ।
ଯଦି କୌଣସି ସମ୍ପର୍କୀୟଙ୍କ ଦ୍ୱାରା ମଧ୍ୟ ଆଘାତ ପଂହଚାଯାଏ ତେବେ ସ୍ୱାମୀ ମଧ୍ୟ ଦାୟୀ ରହିବେ ବୋଲି ଏକ ମାମଲାର ଶୁଣାଣି କରି ସବୋର୍ଚ୍ଚ ଅଦାଲତ ଟିପ୍ପଣୀ କରିଛନ୍ତି । ଏଥି ସହିତ ଗିରଫକୁ ଏଡ଼ାଇବା ଲାଗି ଆଗୁଆ ଜାମିନ ଲୋଡ଼ିଥିବା ସ୍ୱାମୀଙ୍କ ଆବେଦନକୁ ଅଦାଲତ ଖାରଚ କରିଦେଇଛନ୍ତି ।
୨୦୧୭ ବିବାହିତ ଲୁଧିଆନାର ଏହ ଦମ୍ପତିଙ୍କର ୨୦୧୮ରେ ଏକ ସନ୍ତାନ ଜନ୍ମ ନେଇଥିଲା । ସ୍ୱାମୀ ସମେତ ଶାଶୁ ଓ ଶ୍ୱଶୁର ତାଙ୍କୁ ଯୌତୁକ ନିର୍ଯାତନା ଦେଇ ମାରଧର କରିଥିଲେ ବୋଲି ଗତବର୍ଷ ଜୁନରେ ସେ ପୋଲିସକୁ ଜଣାଇଥିଲେ । ତାଙ୍କ ସ୍ୱାମୀ ମଧ୍ୟ ତାଙ୍କୁ ଜୀବନରୁ ମାରିଦେବାକୁ ପ୍ରୟାସ କରିଥିଲେ ବୋଲି ସେ ଅଭିଯୋଗ କରିଥିଲେ । ତେବେ ଏହି ମାମଲାରେ ପଞ୍ଜାବ ଓ ହରିଆଣା ହାଇକୋର୍ଟ ଅଭିଯୁକ୍ତ ସ୍ୱାମୀଙ୍କୁ ଜାମିନ ଦେବାକୁ ମନା କରିଦେଇଥିବାବେଳେ ସେ ସୁପ୍ରିମକୋର୍ଟର ଆଶ୍ରୟ ନେଇଥିଲେ ।