୩୦୬ ପ୍ରାର୍ଥୀଙ୍କ ଭାଗ୍ୟନିର୍ଦ୍ଧାରଣ ଆଜି

କୋଲକାତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗରେ ଆଜି ଷଷ୍ଠ ପର୍ଯ୍ୟାୟ ମତଦାନ । କରୋନା ମହାମାରୀକୁ ଦୃଷ୍ଟିରେ ରଖି କଡ଼ା ସୁରକ୍ଷା ବଳୟ ଭିତରେ ଚାଲିଛି ମତଦାନ । ୩୦୬ ପାର୍ଥୀଙ୍କ ଭାଗ୍ୟନିର୍ଦ୍ଧାରଣ ଆଜି । ୪ ଟି ଜିଲ୍ଲାରେ ୪୩ ଟି ଆସନ ପାଇଁ ମତଦାନ ଚାଲିଛି । ସକାଳ ୭ଟାରୁ କଡ଼ା ସୁରକ୍ଷାର ବଳୟ ମଧ୍ୟରେ ଆରମ୍ଭ ହୋଇଛି ମତଦାନ । ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ମୁକୁଲ ରାୟଙ୍କ ସମେତ ୩୦୬ଜଣ ପ୍ରାର୍ଥୀ ନିର୍ବାଚନ ଲଢୁଛନ୍ତି ।

ପ୍ରାୟ ୧ କୋଟି ୪୦ ଲକ୍ଷରୁ ଅଧିକ ଭୋଟର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି । ସମସ୍ତ ୪୩ଟି ଆସନରେ ଟିଏମସି ଓ ବିଜେପି ନିର୍ବାଚନ ଲଢୁଛନ୍ତି । ୧୪ ହଜାର ୪୮୦ଟି ଭୋଟ ଗ୍ରହଣ କେନ୍ଦ୍ରରେ ମତଦାନ ଚାଲିଛି । ସୁରକ୍ଷା ଦୃଷ୍ଟିରୁ ୧ ହଜାର ୭୧ କମ୍ପାନୀକୁ ମୁତୟନ କରାଯାଇଛି । ଆସନ୍ତା ୨୬ ଓ ୨୯ ଏପ୍ରିଲରେ ଅନ୍ତିମ ପର୍ଯ୍ୟାୟ ମତଦାନ ହେବ ।