ଆଜିଠୁ ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ଠାରୁ ପୁଣି ଓଡ଼ିଶାରେ ଷ୍ଟିଅରିଂ ଛାଡ଼ ଆନ୍ଦୋଳନ । ଗତ କାଲି ଦିଲ୍ଲୀରେ ଏକାଠି ହୋଇଥିଲେ ୨୮ ଟି ରାଜ୍ୟର ଡ୍ରାଇଭର ସଙ୍ଘ ସଭାପତି । ଦୁଇଦିନ ପରେ ନିଷ୍ପତି ହେବ କଡାକଡି । କେନ୍ଦ୍ରସରକାରଙ୍କର କଳା ନିୟମ ଏବଂ ଓଡ଼ିଶା ସରକାରଙ୍କର ମନମାନି ବିରୋଧରେ ହେବ ଏହି ଆନ୍ଦୋଳନ । ବାହାରେ ଥିବା ଡ୍ରାଇଭରମାନଙ୍କୁ ଘରକୁ ଫେରି ଆସିବା ପାଇଁ ଭିଡ଼ିଓ କରି କହିଲେ ଡ୍ରାଇଭର ମହାସଂଘର ସଭାପତି ପ୍ରଶାନ୍ତ ମେଣ୍ଡୋଇ ।

ଶାନ୍ତିପୂର୍ଣ୍ଣ ଭାବେ ଆନ୍ଦୋଳନ କରିବାକୁ କୁହାଯାଇଛି । ହିଟ୍ ଆଣ୍ଡ୍ ରନ୍ ଆଇନକୁ ବିରୋଧ କରି ଦେଶର ବିଭିନ୍ନ ସ୍ଥାନରେ ଚାଲିଛି ଆନ୍ଦୋଳନ । ଟ୍ରକ, ବସ ଓ ଡମ୍ପର ଡ୍ରାଇଭରଙ୍କ ଆନ୍ଦୋଳନ ଜାରି ରହିଛି । ଫଳରେ ଅତ୍ୟାବଶକୀୟ ସାମଗ୍ରୀ ପହଞ୍ଚି ପାରୁନଥିବାରୁ ଅସୁବିଧାରେ ପଡିଛନ୍ତି ଗ୍ରାହକ, ବ୍ୟବସାୟୀ ।