ମୁମ୍ବାଇ(ବଡ଼ ଖବର ବ୍ୟୁରୋ): ଏନସିପି ସଭାପତି ଶରଦ ପାୱାରଙ୍କ ଝିଅ ତଥା ସାଂସଦ ସୁପ୍ରିୟା ସୁଲେ ବିଜେପିକୁ ଟାର୍ଗେଟ କରିଛନ୍ତି । ସେ କହିଛନ୍ତି ମୋ ଅସମ୍ମାନ କରନ୍ତୁ କିଛି ନାହିଁ । କିନ୍ତୁ ମୋ ବାପାଙ୍କ ବିଷୟରେ ଗୋଟାଏ ଶଦ୍ଦ ବରଦାସ୍ତ କରିପାରିବି ନାହିଁ । ଗତକାଲି ଅଜିତ ପାୱାର ଓ ଶରଦ ପାୱାରଙ୍କ ଦୁଇଟି ପୃଥକ ପୃଥକ ବୈଠକ ହୋଇଥିଲା । ଯେଉଁଥିରେ ବିଭିନ୍ନ କଥା କଟାକଟି ହୋଇଥିଲା ।
ଯାହାକୁ ନେଇ ସେ କହିଥିଲେ ଏହି ଯୁଦ୍ଧ କେବଳ ବିଜେପି ସରକାର ବିରୋଧରେ ଆରମ୍ଭ ହୋଇଛି। ବିଜେପି ଦେଶର ଭଷ୍ଟ୍ରାଚାରୀ ଦଳ ଅଟେ। ସେ ଆହୁରି ମଧ୍ୟ କହିଛନ୍ତି ମୁଁ ଚାରି ବର୍ଷ ତଳେ ଅତ୍ୟନ୍ତ ଭାବପ୍ରବଣ ଥିଲି । କିନ୍ତୁ ଏବେ ମୁଁ ବହୁତ ଷ୍ଟ୍ରଙ୍ଗ ହୋଇଛି । ଆମର ପ୍ରକୃତ ସଂଗ୍ରାମ କୌଣସି ବ୍ୟକ୍ତି ବିଶେଷଙ୍କ ବିରୋଧରେ ନୁହେଁ ବିଜେପି କାର୍ଯ୍ୟକାରିତା ବିରୁଦ୍ଧରେ ହେବ ।
