ମହିଳା ଟି- ୨୦, ଆଜି ଇଂଲଣ୍ଡକୁ ଭେଟିବ ଭାରତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):  ଆଇସିସି ମହିଳା ଟି -୨୦ ବିଶ୍ୱକପରେ ଆଜି ଇଂଲଣ୍ଡକୁ ଭେଟିବ ଭାରତ । ବିଜୟ ଧାରା ଲକ୍ଷ୍ୟରେ ପଡିଆକୁ ଓହ୍ଲାଇବ ଟିମ ଇଣ୍ଡିଆ । କ୍ରମାଗତ ଭାବେ ୨ଟି ମ୍ୟାଚ ଖେଳି ଭାରତ ଦମଦାର ପ୍ରଦର୍ଶନ କରିଥିବା ବେଳେ ତୃତୀୟ ମ୍ୟାଚରେ ଇଂଲଣ୍ଡକୁ ହରାଇ ହାଟ୍ରିକ ବିଜୟ ହାସଲ ଲକ୍ଷ୍ୟ ରଖିଛି । ଦୁଇଟି ମ୍ୟାଚରେ ବିଜୟୀ ହୋଇଥିବାରୁ ତୃତୀୟ ମ୍ୟାଚ ପାଇଁ ଭାରତୀୟ ଖେଳାଳୀଙ୍କ ମନୋବଳ ଦୃଢ ରହିଛି ।

ତେବେ ଟିମ୍ ବି ପଏଣ୍ଟ ଟେବୁଲରେ ଭାରତ ଏବେ ୪ ପଏଣ୍ଟ ପାଇ ଦ୍ୱିତୀୟ ସ୍ଥାନରେ ରହିଥିବା ବେଳେ ଇଂଲଣ୍ଡ ୪ ପଏଣ୍ଟ ସହ ପ୍ରଥମ ସ୍ଥାନରେ ରହିଛି । ଉଭୟ ମହିଳା ଟି ୨-୦ ବିଶ୍ୱକପରେ ଦୁଇଟି ଲେଖାଏଁ ମ୍ୟାଚ ଖେଳି ସମାନ ପଏଣ୍ଟ ହାସଲ କରିଛନ୍ତି । ଏହି ଦୁଇ ଦଳ ମଧ୍ୟରେ ଆଜିର ମ୍ୟାଚ କାହା ସପକ୍ଷରେ ଯାଉଛି ତାହା ଉପରେ ସମସ୍ତଙ୍କ ନଜର ।