ଝାରସୁଗୁଡା (ବଡ଼ ଖବର ବ୍ୟୁରୋ): ଝାରସୁଗୁଡାରେ ନବନିର୍ବାଚିତ ବିଧାୟକ ଟଙ୍କଧର ତ୍ରିପାଠୀଙ୍କ ବିଜୟ ଶୋଭାଯାତ୍ରା । ବିଧାୟକ ଟଙ୍କଧର ତ୍ରିପାଠୀ ପହଞ୍ଚିବା ପରେ ବିଜେପି ପକ୍ଷରୁ ଏକ ବିଜୟୀ ଶୋଭାଯାତ୍ରା ବାହାରିଥିଲା । ଏହି ଶୋଭାଯାତ୍ରା ମନମୋହନ ସ୍କୁଲ ପଡ଼ିଆରୁ ବାହାରି ଝଣ୍ଡା ଛକ, ମଙ୍ଗଲବଜାର, ରେଲୱେ ଷ୍ଟେସନ ଛକ , ପୁରୁଣା ବସଷ୍ଟାଣ୍ଡ ଦେଇ ବେହେରାମାଲ ଯାଏ ଯାଇଥିଲା । ଶୋଭାଯାତ୍ରା ସମୟରେ ବିଭିନ୍ନ ସଂଗଠନଙ୍କ ପକ୍ଷରୁ ରାସ୍ତାରେ ମିଠା ସରବତ ବଣ୍ଟନ କରାଯାଇଥିଲା । ଝାରସୁଗୁଡା ବାସୀ ଯେଉଁ ଆଶ୍ରିବାଦ,ସ୍ନେହଶ୍ରଦ୍ଧା ଦେଇଛନ୍ତି ସେଥିପାଇଁ ଋଣୀ ବୋଲି କହିଛନ୍ତି ବିଧାୟକ ଟଙ୍କଧର ତ୍ରିପାଠୀ ।
