ରଜ ବଜାରରେ ରିଲିଜ ହେଲା ଓଡ଼ିଆ ସିନେମା ‘ପାବାର’ ।
କଟକ (ବଡ଼ ଖବର ବ୍ୟୁରୋ): କଟକର ସଙ୍ଗମ ପ୍ଲେକ୍ସ, ଭୁବନେଶ୍ୱର ସ୍ୱାତୀ ଓ ମହାରାଜା ସିନେମା ହଲ୍ରେ ବାବୁସାନ ଫିଲ୍ମ ପ୍ରଡକ୍ସନର ‘ପାବାର’ ସିନେମାର ପ୍ରିମିୟର ଶୋ ରିଲିଜ୍ ହୋଇଛି । ଏହି ସିନେମା ଟି ରାଜ୍ୟର ୫୦ଟି ସିନେମା ହଲ୍ରେ ମୁକ୍ତିଲାଭ କରିଛି । ୮ ବର୍ଷ ପରେ ଦର୍ଶକ ଦେଖିଲେ ବାବୁସାନ ଓ ଏଲିନାଙ୍କ ଯୋଡ଼ିକୁ । ତୃପ୍ତି ଶତପଥୀଙ୍କ ପ୍ରଯୋଜିତ ଓ ଅଶୋକ ପତିଙ୍କ ନିର୍ଦ୍ଦେଶିତ ପାବାରର ପ୍ରମୁଖ ଭୂମିକାରେ ଅଭିନୟ କରିଛନ୍ତି ଓଲିଉଡ୍ ସୁପର୍ଷ୍ଟାର୍ ବାବୁସାନ ଓ ପ୍ରତିଭାମୟୀ ଅଭିନେତ୍ରୀ ଏଲିନା । ଅନ୍ୟାନ୍ୟ ପ୍ରମୁଖ ଚରିତ୍ରରେ ଅଭିନେତ୍ରୀ ଅପରାଜିତା ମହାନ୍ତି, ଜୟପ୍ରକାଶ ଦାଶ, କ୍ରିଷ୍ଣା କର, ସୋମୁ, ବବି ମିଶ୍ର, ପପୁ ପମ୍ପମ୍, ଙ୍କୁ ଦେଖିବାକୁ ମିଳିଛି । ଏକ ସତ୍ୟ ଘଟଣାକୁ ନେଇ ତିଆରି ହୋଇଛି ଫିଲ୍ମ ‘ପାବାର’ । ପଲିଟିକାଲ ଡ୍ରାମା ସାଙ୍ଗକୁ ଫିଲ୍ମରେ ରହିଛି ଭରପୂର କମେଡ଼ି । କାହାଣୀକୁ ନେଇ ନିର୍ମିତ ଏହି ଚଳଚ୍ଚିତ୍ର ରଜ ବଜାରରେ ଦର୍ଶକ ବେଶ ପସନ୍ଦ କରିବେ ବୋଲି କହିଛନ୍ତି ଷ୍ଟାରକାଷ୍ଟ ।