ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୧୦୦ତମ ମନ କି ବାତ କାର୍ଯ୍ୟକ୍ରମ । ସହେତମ ଏପିସୋଡକୁ ଐତିହାସିକ କରିବା ପାଇଁ ସ୍ୱାତନ୍ତ୍ର ପ୍ରସ୍ତୁତି କରାଯାଇଛି । ଆଜି ଏହି କାର୍ଯ୍ୟକ୍ରମ ସାରା ଦେଶରେ ୪ ଲକ୍ଷ ସେଂଟରରେ ସିଧା ପ୍ରସାରଣ ହେବ । ଏଥିରେ ଦେଶର ବିଭିନ୍ନ ସାମାଜିକ ସଂଗଠନ, ସିଭିଲ ସୋସାଇଟି ଓ ଅନ୍ୟ ସଂସ୍ଥା ଭାଗ ନେବେ । ଏପରକି ବିଶ୍ୱର ବିଭିନ୍ନ କୋଣ ଅନୁକୋଣରେ ଥିବା ପ୍ରବାସୀ ଭାରତୀୟ ମଧ୍ୟ ମନ କି ବାତ କାର୍ଯ୍ୟକ୍ରମ ଶୁଣିବା ବ୍ୟବସ୍ଥା ହୋଇଛି ।
ଜାତିସଂଘର ମୁଖ୍ୟ କାର୍ଯ୍ୟାଳୟରେ ମଧ୍ୟ ମନ କି ବାତର ସିଧା ପ୍ରସାରଣ ହେବ । ଏହି ଅବସରରେ ଦେଶର ୧୩ଟି ପ୍ରାଚୀନ ଐତିହ୍ୟ ସ୍ଥଳରେ ସଂସ୍କୃତି ବିଭାଗ ପକ୍ଷରୁ ଲାଇଟ ଆଣ୍ଡ ସାଉଣ୍ଡ କାର୍ଯ୍ୟକ୍ରମ କରାଯାଇଛି । ଏହି କ୍ରମରେ ଓଡ଼ିଶାର କୋଣାର୍କ ସୂର୍ଯ୍ୟମନ୍ଦିର ପରିସରରେ ଲାଇଟ ଆଣ୍ଡ ସାଉଣ୍ଡ କାର୍ଯ୍ୟକ୍ରମର ଆୟୋଜିତ କରାଯାଇଛି । ଏହି କାର୍ଯ୍ୟକ୍ରମରେ ସ୍ୱାଧିନତା ସଂଗ୍ରାମର ଇତିହାସ ସହ ସ୍ୱାଧିନ ଭାରତର ଇତିହାସ ପ୍ରଦର୍ଶିତ ହୋଇଛି ।
