ଆତ୍ମସମର୍ପଣ କଲେ ନକ୍ସଲ ରାହୁଲ ମୁଷାକୀ
ଫୁଲବାଣୀ(ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ଏସପି ଅଗ୍ରୱାଲଙ୍କ ପାଖରେ ଆତ୍ମସମର୍ପଣ କରିଛନ୍ତି ନକ୍ସଲ ରାହୁଲ ମୁଷାକୀ ଓରଫ ପିଣ୍ଟୁ । ତେବେ ରାହୁଲ ୨୦୧୫ରେ ନକ୍ସଲ ସଂଗଠନରେ ସାମିଲ ହୋଇଥିଲେ । ସେ ପାର୍ଟି ମେମ୍ବର ଭାବେ ବଂଶଧାରା ଘୁମୁସୁର ନାଗାବଳି ଡିଭିଜନରେ କାମ କରଥିଲେ । ରାହୁଲଙ୍କ ଘର ଛତିଶଗଡର ସୁକମା ଜିଲ୍ଲାର ତଲତ ଗାଁରେ ।
ସୂତ୍ରରୁ ଜଣାପଡିଛି ଯେ, ରାଜ୍ୟ ସରକାରଙ୍କ ଉନ୍ନୟନମୂଳକ କାର୍ଯ୍ୟକ୍ରମକୁ ଦୃଷ୍ଟିରେ ରଖି ସେ ନିଜେ ଏପରି ପଦକ୍ଷେପ ନେଇଛନ୍ତି । ରାହୁଲ ମୂଷାକି କହିଛନ୍ତି , ବର୍ତ୍ତମାନ ପରିପ୍ରେକ୍ଷୀରେ ସରକରାଙ୍କ ବିରୋଧରେ ସଶସ୍ତ୍ର ବିଦ୍ରୋହର କୌଣସି ଆବଶ୍ୟକତା ନାହିଁ । ଓଲଟି ଲୋକମାନେ ନକ୍ସଲମାନଙ୍କୁ ବିରୋଧ କରୁଛନ୍ତି । ସରକାରଙ୍କୁ ଆତ୍ମସମର୍ପଣ ଓ ଥଇଥାନ ନୀତି ଅନୁଯାୟୀ ରାହୁଲ ମୂଷାକୀଙ୍କୁ ଆର୍ଥିକ ସହାୟତା ପ୍ରଦାନ କରାଯିବ । ସବୁ ସହାୟତା ଦିଆଯିବ ବୋଲି ଜିଲ୍ଲା ପୋଲିସ ପକ୍ଷରୁ ପ୍ରତିଶୃତି ଦିଆଯାଇଛି ।