ସ୍ବାଭାବିକଠାରୁ ୯୮% ଅଧିକ ବର୍ଷା
ଭୁବନେଶ୍ୱର (ବଡ଼ ଖବର ବ୍ୟୁରୋ): ଗତ ୧୧ରୁ ସାରା ରାଜ୍ୟ ଭାସୁଛି ବର୍ଷାରେ । ଲଗାଣ ବର୍ଷା କାରଣରୁ ଅନେକ ଅଞ୍ଚଳ ଜଳମଗ୍ନ ହୋଇରହିଛି । ତେବେ ଦେଖିବାକୁ ଗଲେ ସେପ୍ଟେମ୍ବରେ ରେକର୍ଡ ସୃଷ୍ଟି କରିଛି ବର୍ଷା । ରାଜ୍ୟରେ ସ୍ବାଭାବିକଠାରୁ ୯୮% ଅଧିକ ବର୍ଷା ରେକର୍ଡ ହୋଇଛି। ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ସୂଚନା ମୁତାବକ ସେପ୍ଟେମ୍ବର ୧ରୁ ୧୪ ତାରିଖ ମଧ୍ୟରେ ରାଜ୍ୟରେ ସର୍ବମୋଟ୍ ୨୫୦.୪ ମିମି ବର୍ଷା ହୋଇଯାଇଛି।
ସ୍ବାଭାବିକ ଭାବେ ସେପ୍ଟେମ୍ବର ୧ରୁ ୩୦ ତାରିଖ ମଧ୍ୟରେ ରାଜ୍ୟରେ ୨୨୬ ମିମି ବର୍ଷା ହୋଇଥାଏ। ଅର୍ଥାତ ଏବେ ସୁଦ୍ଧା ରାଜ୍ୟରେ ସେପ୍ଟେମ୍ବର ବର୍ଷା ୯୮% ଅଧିକ ରହିଛି। ଏପରିକି ସେପ୍ଟେମ୍ବରରେ ସମୁଦାୟ ବର୍ଷାର ମଧ୍ୟ ୧୦% ଅଧିକ ବର୍ଷା ବର୍ତ୍ତମାନ ସୁଦ୍ଧା ହୋଇସାରିଛି। ୧୩ ଓ ୧୪ରେ ରାଜ୍ୟରେ ହାରାହାରି ୧୩୫.୬ ମିମି ବର୍ଷା ହୋଇଛି। ସେପ୍ଟେମ୍ବର ବର୍ଷାର ୬୦% ବର୍ଷା କେବଳ ଏହି ଦୁଇ ଦିନରେ ହୋଇଯାଇଛି।