ଫୁ କ୍ୱୋକ୍ ଦ୍ୱୀପରେ ବୁଡି ୧୫ ଭାରତୀୟ ମୃତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭିଏତନାମରୁ ଭାରତ ପାଇଁ ଆସିଲା ଏକ ଦୁଃଖଦ ଘଟଣା । ଭିଏତନାମର ସବୁଠାରୁ ବଡ଼ ଦ୍ୱୀପ ଫୁ କ୍ୱୋକ୍ ଶନିବାର ଏକ ଡଙ୍ଗା ସାହାଯ୍ୟରେ ଭାରତୀୟ ପର୍ଯ୍ୟଟକଙ୍କୁ ନେଇ ଯାଉଥିବା ବେଳେ ସମୁଦ୍ରରେ ଡଙ୍ଗାଟି ଓଲଟି ପଡିଥିଲା । ଏହି ଅଭାବନୀୟ ଘଟଣାରେ ୧୫ଜଣ ଭାରତୀୟଙ୍କର ମୃତ୍ୟୁ ଘଟିଥିବା ବେଳେ ୨୧ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ଦୁର୍ଘଟଣା ପରେ ସ୍ଥାନୀୟ ପ୍ରଶାସନ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରିଦେଇଥିଲା ।

ଜାତୀୟ ଗଣମାଧ୍ୟମ ରିର୍ପୋଟ ଅନୁସାରେ, ଡଙ୍ଗାରେ ମୋଟ ୩୬ଜଣ ପର୍ଯ୍ୟଟକ ଯାତ୍ରା କରୁଥିଲେ । ସେମାନଙ୍କ ମଧ୍ୟରୁ ୩୨ଜଣ ଭାରତୀୟ ପର୍ଯ୍ୟଟକ ରହିଥିଲେ । ସ୍ଥାନୀୟ କର୍ତ୍ତୃପକ୍ଷଙ୍କ ସୂଚନା ଅନୁସାରେ, ଡଙ୍ଗାଟି ହନ୍ ମେ ରୁଟ୍ ଦ୍ୱୀପରୁ ଆନ୍ ଥୋଇ ବନ୍ଦରକୁ ଫେରୁଥିଲା । ଆଉ ଏହି ସମୟରେ ଉପକୂଳଠାରୁ ପ୍ରାୟ ୪୦୦ମିଟର ଦୂରତା ମଧ୍ୟରେ ସମୁଦ୍ର ମଝିରେ ଡଙ୍ଗାଟି ଓଲଟି ପଡିଥିଲା । ସେହି ସମୟରେ ଉଚ୍ଚ ଢେଉ ସୃଷ୍ଟି ହୋଇଥିଲା । ଯାହା ଫଳରେ ଏତେ ବଡ଼ ଦୁର୍ଘଟଣା ଘଟିଛି । ତେବେ ଦୁର୍ଘଟଣାର ପ୍ରକୃତ କାରଣ ଏ ପର୍ଯ୍ୟନ୍ତ ଜଣାପଡିନାହିଁ  । ଏବେବି ସ୍ଥାନୀୟ କର୍ତ୍ତପକ୍ଷଙ୍କ ପକ୍ଷରୁ ଖୋଜାଖୋଜି ସହ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।