ଆନ୍ଧ୍ରରେ ୨ଜଣଙ୍କର କୋରନାରେ ମୃତ୍ୟୁ , ଓଡିଶାକୁ ହାଇଆର୍ଲଟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପୁଣି ଡରାଇଲାଣି କୋରନା । ଆନ୍ଧ୍ରପ୍ରଦେଶ ପରେ ଏବେ ଓଡ଼ିଶାରେ ହାଇଆର୍ଲଟ । ଆନ୍ଧ୍ରରେ କୋଭିଡରେ ୨ଜଣଙ୍କର ମୃତ୍ୟୁ ପରେ ସୀମାନ୍ତ ଜିଲ୍ଲାରେ ହାଇଆର୍ଲଟ ଜାରି କରାଯାଇଛି । ସ୍ୱାସ୍ଥ୍ୟ ବିଭାଗ ପକ୍ଷରୁ ସମସ୍ତ ସୀମାନ୍ତ ଜିଲ୍ଲାର ମୁଖ୍ୟ ଚିକିତ୍ସା ଅଧିକାରି ବା CDMOମାନଙ୍କୁ ସତର୍କ ରହିବା ସହ କୋରନା ରୋଗୀଙ୍କର ତୁରନ୍ତ ଟେଷ୍ଟ କରିବାକୁ ସୂଚନା ଦେଇଛନ୍ତି । ସ୍ୱାସ୍ଥ୍ୟ ଅଧିକାରୀ କହିଛନ୍ତି, ଓଡିଶାରେ ସବୁ ସମୟରେ କୋଭିଡ ସତର୍କତା ଅଛି । ସବୁ ବେଳେ ଟେଷ୍ଟ ହେଉଛି, ରଥଯାତ୍ରା ଆସୁଥିବାରୁ ଲକ୍ଷଣ ଦେଖାଗଲେ କୋଭିଡ ନିୟମ ଅନୁସାରେ ଚିକିତ୍ସା ହେବ ବୋଲି ଜନସ୍ୱାସ୍ଥ୍ୟ ରବିନ୍ଦ୍ରନାଥ ମିଶ୍ର ସୂଚନା ଦେଇଛନ୍ତି ।