ସୁକମାରେ ବିପୁଳ ମାଓ ଡମ୍ପ ଜବତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସୁରକ୍ଷା ବାହିନୀକୁ ବଡ଼ ସଫଳତା । ମାଓବାଦୀଙ୍କ ଡମ୍ପ ଠାବ କଲା ସୁରକ୍ଷା ବାହିନୀ। ଜଙ୍ଗଲ ଭିତରେ ଲୁଚାଇ ରଖିଥିଲେ ମାରଣାସ୍ତ୍ର ଓ ବିସ୍ଫୋରକ। ଦୁର୍ଗମ ଜଙ୍ଗଲ ଓ ପାହାଡ଼ିଆ ଅଞ୍ଚଳରୁ ଜବତ ହୋଇଛି ୧୩ଟି ଅସ୍ତ୍ରଶସ୍ତ୍ର ସହ ବିପୁଳ ପରିମାଣର ଗୁଳି ଓ ବିସ୍ଫୋରକ ସାମଗ୍ରୀ । ସୁକମା ଜିଲ୍ଲା କିଷ୍ଟାରାମ ଥାନା ଅନ୍ତର୍ଗତ ପାଲାଚଲମା ଗାଁ ନିକଟ ଜଙ୍ଗଲରେ ଏହି ଡମ୍ପ ଠାବ ହୋଇଛି । ଆତ୍ମସମର୍ପଣ କରିଥିବା ମାଓବାଦୀଙ୍କଠାରୁ ମିଳିଥିବା ଗୁପ୍ତ ସୂଚନା ଆଧାରରେ ଜିଲ୍ଲା ପୁଲିସ, ଡିଆର୍ ଜି ଓ ବସ୍ତର ଫାଇଟର୍ସର ମିଳିତ ଟିମ୍ ଏହି ଅଭିଯାନ ଚଳାଇଥିଲା । ଜବତ ଅସ୍ତ୍ରଶସ୍ତ୍ର ମଧ୍ୟରେ ରହିଛି ୨ଟି ୩୦୩ ରାଇଫଲ, ୪ଟି ବିଜିଏଲ୍ ଲଞ୍ଚର ଓ ୩ଟି ୧୨ ବୋର୍ ରାଇଫଲ୍ । ଏହାସହ ବିପୁଳ ଗୁଳି ସହ ନନ୍ -ଇଲେକ୍ଟ୍ରିକ୍ ଡେଟୋନେଟର ବି ଜବତ ହୋଇଛି । ଜଙ୍ଗଲ ଭିତରେ ମାଓବାଦୀଙ୍କ ଏହି ଗୁପ୍ତ ଡମ୍ପ ଠାବ ହେବା ସୁରକ୍ଷା ବାହିନୀ ପାଇଁ ବଡ଼ ସଫଳତା ବୋଲି କୁହାଯାଉଛି ।