ବଢ଼ୁଛି ଆନ୍ଧ୍ରର ଦାଦାଗିରି, କୋଟିଆବାସୀଙ୍କ ଆଧାରକାର୍ଡ ବଦଳାଇଦେଲା ଆନ୍ଧ୍ର

ସେମିଳିଗୁଡ଼ା(ବଡ଼ ଖବର ବ୍ୟୁରୋ): କୋରାପୁଟ ଜିଲ୍ଲା ପଟାଙ୍ଗୀ ବ୍ଲକର କୋଟିଆରେ ଆନ୍ଧ୍ରର ଦାଦାଗିରି କମିବା ପରିବର୍ତ୍ତେ ବଢି ବଢି ଚାଲିଛି । ଏବେ ସେଠାରେ ଆନ୍ଧ୍ର ସରକାରଙ୍କ ପକ୍ଷରୁ ତାଲିଛି ଆଧାରକାର୍ଡ ପ୍ରସ୍ତୁତ । ଓଡ଼ିଆରେ ଲେଖାଥିବା କୋଟିଆବାସୀଙ୍କ ଆଧାରକାର୍ଡକୁ କୋଟିଆବାସୀଙ୍କୁ ଆନ୍ଧ୍ରର ଅଫିସରମାନେ ବଦଳାଇ ତେଲୁଗୁରେ ପ୍ରସ୍ତୁତ କରୁଛନ୍ତି । ତେଲୁଗୁ ଲେଖାଥିବା ଆଧାରକାର୍ଡ ନେବା ପାଇଁ ଆନ୍ଧ୍ର ଅଫିସରମାନେ କୋଟିଆବାସୀଙ୍କୁ ବାଧ୍ୟ କରୁଛନ୍ତି । କୋଟିଆ ଗ୍ରାମପୁଞ୍ଜର ୨୧ଟି ରାଜସ୍ୱ ଗ୍ରାମ ଓ ୬ଟି ପଡାର ଲୋକମାନେ ଏବେ ୨ଟି ରାଜ୍ୟର ନାଗରିକ ।

ଲୋକଙ୍କ ପାଖରେ ଆନ୍ଧ୍ର ଓ ଓଡ଼ିଶାର ଭୋଟରକାର୍ଡ ସହିତ ରାସନକାର୍ଡ ମଧ୍ୟ୍ ରହିଛି । ଗୋଟିଏ ଓଡ଼ିଆରେ ଅନ୍ୟଟି ତେଲୁଗୁରେ । ସେମାନେ ଏବେ ଉଭୟ ରାଜ୍ୟର ପାଇଁ ଭୋଟ ଦେବେ । ସେଠାରେ ଅଛନ୍ତି ୨ଟି ଲେଖାଁ ସରପଞ୍ଚ ଓ ନାୟବ ସରପଞ୍ଚ । କୋଟିଆରେ ଉଭୟ ଆନ୍ଧ୍ର ଓ ଓଡ଼ିଶା ସରକାରଙ୍କ ଯୋଜନା କାର୍ୟ୍ୟକାରୀ ହେଉଛି । ଏବେ ଆଉ ଏକ ସମସ୍ୟା ଦେଖିବାକୁ ମିଳିଛି । ସେଇଟା ହେଲା ଆଧାରକାର୍ଡ ସମସ୍ୟା । ଆଧାରକାର୍ଡକୁ ନେଇ ପୁଣି ଦୁଇ ରାଜ୍ୟ ମଧ୍ୟରେ ଲଢେଇ ଚାଲିଛି । ଓଡ଼ିଆରେ ଲେଖା ହୋଇଥିବା ଆଧାରକାର୍ଡକୁ ତେଲୁଗୁ ଭାଷାରେ ଆନ୍ଧ୍ର ପ୍ରସ୍ତୁତ କରୁଛି ।