ଭୁବନେଶ୍ୱର(ବଡ଼ ଖବର ବ୍ୟୁରୋ): ବଲିଉଡର ପ୍ରସିଦ୍ଧ ଅଭିନେତା ଅନିଲ କପୁରଙ୍କ ଆଗକୁ ଆସିବାକୁ ଯାଉଛି ଫିଲ୍ମ ଏକେ ଭର୍ସେସ ଏକେ । ନେଟଫ୍ଲିକ୍ସରେ ରିଲିଜ ହେବାକୁ ଥିବା ଏହି ଫିଲ୍ମର ଟ୍ରେଲର ନିକଟରେ ସାମ୍ନାକୁ ଆସିଥିଲା । ଏଥିରେ ଅନିଲ କପୁରଙ୍କୁ ଭାରତୀୟ ବାୟୁ ସେନାର ଅଫିସର ପୋଷାକରେ ଦେଖିବାକୁ ମିଳିଥିଲା । ଅନିଲଙ୍କ ଏହି ଟ୍ରେଲର ଦେଖି ଭାରତୀୟ ବାୟୁ ସେନା ତରଫରୁ ଅନିଲଙ୍କୁ ତାଙ୍କ ଫିଲ୍ମର କିଛି ସିନ୍ କାଟିବାକୁ ଅନୁରୋଧ କରି ଟ୍ୱିଟ କରିଥିଲେ । କାରଣ ଅନିଲ ଟ୍ରେଲରରେ ଅଫିସର ପୋଷାକକୁ ସଠିକ ଭାବେ ପିନ୍ଧିନଥିଲେ ।ଏଥିସହ ସେ କିଛି ଖରାପ ଶବ୍ଦ ଉଚ୍ଚାରଣ କରୁଥିଲେ । ବାୟୁସେନାର ପୋଷକ ପ୍ରତି ଏହା ଅପମାନ ବୋଲି ଭାବି ତାଙ୍କୁ ଫିଲ୍ମର ସେହି ସିନ କାଟିବାକୁ କୁହାଯାଇଥିଲା । ଏହି ଟ୍ୱିଟ ଦେଖିବା ପରେ ଅନିଲ କପୁର ନିଜ ଟ୍ୱିଟର ଆକାଉଣ୍ଟରେ ଏକ ଭଡିଓ ପୋଷ୍ଟ କରିଛନ୍ତି । ଭିଡିଓରେ ସେ କ୍ଷମା ପ୍ରାର୍ଥନା କରୁଥିବାର ଦେଖାଯାଇଛି । ଏକେ ଭର୍ସେସ ଏକେ ଫିଲ୍ମର ନିର୍ଦ୍ଦେଶକ ରହିଛନ୍ତି ବିକ୍ରମାଦିତ୍ୟ ମୋଟୱାନେ ଓ ଅନୁରାଗ କଶ୍ୟପ ।
