ଅସ୍ତରଙ୍ଗ ଆଇଆଇସି ଫେରାର୍

ପୁରୀ (ବଡ଼ ଖବର ବ୍ୟୁରୋ): ଅସ୍ତରଙ୍ଗ ଆଇଆଇସି ଫେରାର୍ । କ୍ୟାପିଟାଲ ଥାନାରେ ପଚରାଉଚରା ବେଳର ଫେରାର । ପରିସ୍ରା ବାହାନାରେ ଚମ୍ପଟ ମାରିଲେ ଆଇଆଇସି । ଅସ୍ତରଙ୍ଗ ଥାନା ଅଧିକାରୀଙ୍କ ଅପରାଧ ସାମ୍ରାଜ୍ୟ । କ୍ୟାପିଟାଲ ଥାନା ପୋଲିସକୁ ଚକମା ଦେଲେ ଅସ୍ତରଙ୍ଗ ଆଇଆଇସି ରାଜେଶ ବଳିଆର ସିଂ। ଗଞ୍ଜେଇ ବେପାରୀଙ୍କ ସହିତ ଲିଙ୍କ ରଖି ଖସାଇବା ଓ ପରେ ଗଞ୍ଜେଇ ବେପାରୀର ହତ୍ୟା ହେବା ମାମଲାରେ ସମ୍ପୃକ୍ତ ଥିବାର ସୁରାଗ ପାଇଲା ପରେ ଜୟପୁର ପୋଲିସ ଏବେ ତନାଘନା କରୁଛି ।

ଭୁବନେଶ୍ୱର ସ୍ଥିତ ୟୁନିଟ ୨ ରେ ଥିବା ବାସ ଭବନରୁ ଉଠାଇ ନେଇଥିଲା କ୍ୟାପିଟାଲ ଥାନା ପୋଲିସ । ପରିସ୍ରା କରିବା ବାହାନାରେ ବାହାରକୁ ଆସି କୁଆଡେ ଫେରାର ହୋଇଯାଇଛନ୍ତି ପୋଲିସ ବାବୁ ଜଣଙ୍କ । ଅସ୍ତରଙ୍ଗ ଥାନାରେ କାର୍ଯ୍ୟରତ ଥିବା ହେତୁ ଆଗୁଆ ୫ ଦିନ ପାଇଁ ଜରୁରୀକାଳୀନ ଛୁଟି ମଧ୍ୟ ନେଇ ଯାଇଥିଲେ । ପୂର୍ବରୁ ଜୟପୁର ଟାଉନ ଥାନାରେ ସବ୍ ଇନ୍ସପେକ୍ଟର ଥିଲା ସମୟରେ ଗଞ୍ଜେଇ ବେପାରୀଙ୍କ ସହିତ ସିଧା ସଳଖ ଲିଙ୍କ ରଖିବା ଓ ପରେ ଏକ ଗଞ୍ଜେଇ ବେପାରୀର ହତ୍ୟା ହେବା ଘଟଣାରେ ଲିଙ୍କ ରଖିଥିବାର ସୁରାଗ ପାଇ କୋରାପୁଟ ପୋଲିସ ଏବେ ଆକ୍ସନ ମୋଡକୁ ଆସିଛି ।

ପୋଲିସ ବାବୁଙ୍କ ବିରୋଧରେ ଅନେକ ଅଭିଯୋଗ ଆସିଲା ପରେ ଭୁବନେଶ୍ଵର ଡିଜି ଅସ୍ତରଙ୍ଗ ଆଇଆଇସି ରାଜେଶ ବଳିଆର ସିଂ କୁ କାର୍ଯ୍ୟରୁ ନିଲମ୍ବନ କରିଛନ୍ତି । ତଦନ୍ତ ସମ୍ପୂର୍ଣ ହେଲାପରେ ଯଦି ଘଟଣାର ସତ୍ୟତା ପ୍ରମାଣିତ ହୁଏ, ତେବେ ସିଧାସଳଖ ପଦବୀରୁ ବହିଷ୍କାର ମଧ୍ୟ କରିବେ ବୋଲି ନୋଟିସ କରିଛନ୍ତି । ଏବେ କ୍ୟାପିଟାଲ ପୋଲିସ ରାଜେଶ ବଳିଆରସିଂକୁ ଖୋଜୁଛି ।