ମହିଳା କମିଶନରୁ ବାହାରି କଣ କହିଲେ ଅନୁଭବ ଜାଣନ୍ତୁ ?
ଭୁବନେଶ୍ୱର(ବଡ଼ ଖବର ବ୍ୟୁରୋ): ବର୍ଷା-ଅନୁଭବ ଘରୋଇ ହିଂସାକୁ କେନ୍ଦ୍ରକରି ବର୍ଷା ପ୍ରିୟଦର୍ଶିନୀ ମହିଳା କମିଶନଙ୍କ ନିକଟରେ ଅଭିଯୋଗ କରିଥିଲେ। ବର୍ଷାଙ୍କ ଅଭିଯୋଗ ଆଧାରରେ ମହିଳା କମିଶନ ଅନୁଭବ ମହାନ୍ତି,ତାଙ୍କ ବାପା ଓ ମାଙ୍କୁ ଡିସେମ୍ବର୨୯ ତାରିଖରେ ବ୍ୟକ୍ତିଗତ ଭାବେ ହାଜର ହୋଇ ନିଜ ନିଜର ପକ୍ଷ ରଖିବାକୁ ନିର୍ଦ୍ଦେଶ ଦେଇଥିଲେ । ସେଥିପାଇଁ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଆଜି ମହିଳା କମିଶନରେ ପହଞ୍ଚି ନିଜର ପକ୍ଷ ରଖିଥିଲେ କିନ୍ତୁ ତାଙ୍କ ବାପା ଓ ମାଆ ମହିଳା କମିସନରେ ହାଜର ହୋଇ ନଥିଲେ । ମହିଳା କମିଶନରୁ ବାହାରିବା ପରେ ସାଂସଦ ଅନୁଭବ ମହାନ୍ତି ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ମା ଓ ମହିଳାଙ୍କ ସୁବିଧା ପାଇଁ ମହିଳା କମିଶନ ହୋଇଛି । ମହିଳା କମିଶନ ମୋତେ ନୋଟିସ କରିଥିଲେ । ମହିଳା କମିଶନଙ୍କୁ ସମ୍ମାନ ଜଣାଇ ମୁଁ ଆସିଥିଲି ।
ତେବେ ମହିଳା କମିଶନଙ୍କ ସାମ୍ନାରେ ବର୍ଷା-ଅନୁଭବ ମୁହାଁ ମୁହିଁ ଆଲୋଚନା ହେବାପରେ ଦୀର୍ଘ ଦିନଧରି ଲାଗି ରହିଥିବା ଦ୍ୱନ୍ଦର ନିଷ୍କର୍ଶ ବାହାରିଛି । ଏ ଆଲୋଚନା ଫଳପ୍ରଦ ହେବବୋଲି ମହିଳା କମିଶନ ଅଧକ୍ଷା ମିନତୀ ବେହେରା ସୂଚନା ଦେଇଛନ୍ତି ।