‘ପୋଲିସ ଷ୍ଟେଟମେଣ୍ଟ ବଦଳାଇଛି’
ନିମାପଡ଼ା (ବଡ଼ ଖବର ବ୍ୟୁରୋ): ବଳଙ୍ଗା ନାବାଳିକା ପୋଡି ମୃତ୍ୟୁବରଣ ଘଟଣାରେ କଂଗ୍ରେସର ରଣହୁଙ୍କାର । ବଳଙ୍ଗାରୁ ନିମାପଡା ଯାଏଁ ନାରୀ ନ୍ୟାୟ ଯାତ୍ରା କରୁଛି ହାତ ଦଳ । ପିସିସି ସଭାପତି ଭକ୍ତ ଦାସଙ୍କ ତତ୍ୱବଧାନରେ ଚାଲିଛି ପଦଯାତ୍ରା । କବର ସ୍ଥଳିକୁ ଯାଇ ଶ୍ରଦ୍ଧାଞ୍ଜଳି ଜ୍ଞାପନ କରି ପୀଡିତାଙ୍କ ପରିବାରକୁ ଭେଟିବା ପରେ ଆରମ୍ଭ ହୋଇଥିଲା ଏହି ଯାତ୍ରା । ପରିବାର ଲୋକଙ୍କୁ ଭକ୍ତ ଭେଟିବା ପରେ କହିଛନ୍ତି କି ପୀଡିତାଙ୍କ ଅବସ୍ଥା ଯଦି ଗୁରୁତର ଥିଲା ତାହାଲେ କାହିଁକି ଦିଲ୍ଲୀରେ ତାଙ୍କ ବୟାନ ରେକଡ କରାଗଲା ।
କିଏ ପୋଲିସକୁ ଦେଲା ସେ ଅଧିକାର । ଆମ ଦଳର ବରିଷ୍ଠ ନେତୃତ୍ୱ ଯେତେବେଳେ ପୀଡିତାଙ୍କୁ ଜୀବିତ ଅବସ୍ଥାରେ ଭେଟିଥିଲେ ସେହିଦିନ ସେ କହିଥିଲେ କି ମୋତେ ତିନିଜଣ ପୋଡି ଦେଇଛନ୍ତି । ତେଣୁ ସେହି ତିନି ଅଭିଯୁକ୍ତ ଗଲେ କୁଆଡେ । ପୋଲିସ କାହାକୁ ସୁରକ୍ଷ ଦେଉଛି । ସରକାର ନୀରବ କାହିଁକି ? ପୋଲିସ ଷ୍ଟେଟମେଣ୍ଟ ବଦଳାଇଛି। ଭିଡ଼ିଓ ରେକର୍ଡିଂ ଦେଖାନ୍ତୁ । ନହେଲେ ୩ ଅଭିଯୁକ୍ତଙ୍କୁ ଗିରଫ କରନ୍ତୁ । ମିଛ କଥା କହି ସରକାର ଖସିଯିବେ ନାହିଁ ।