ମିଜୋରାମରେ ଖାତା ଖୋଲିଲା ବିଜେପି, ଆଗରେ ଜୋରାମ ପିପୁଲ୍ସ ମୁଭମେଣ୍ଟ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆରମ୍ଭ ହୋଇଛି ମିଜୋରାମ ବିଧାନସଭା ନିର୍ବାଚନ ଫଳାଫଳ ପାଇଁ ଭୋଟ ଗଣନା । ପ୍ରାରମ୍ଭିକ ଧାରାରେ ଏମଏନଏଫ ଅଗ୍ରଣୀ ହୋଇଛି। ମିଜୋରାମର ୪୦ ଟି ବିଧାନସଭା ଆସନରେ ମିଜୋ ନ୍ୟାଶନାଲ ଫ୍ରଣ୍ଟ, ଜୋରାମ ପିପୁଲ୍ସ ମୁଭମେଣ୍ଟ, କଂଗ୍ରେସ ଏବଂ ଭାଜପା ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ଚାଲିଛି। ବର୍ତ୍ତମାନ ସମୟରେ ଜୋରାମ ପିପୁଲ୍ସ ମୁଭମେଣ୍ଟ ସଂଖ୍ୟାଗରିଷ୍ଠତା ଅତିକ୍ରମ କରିଛି। ଏହା ସହିତ ବିଜେପି ରାଜ୍ୟରେ ଖାତା ଖୋଲିଛି। ବିଜେପି ପ୍ରାର୍ଥୀ ଆଗୁଆ ରହିଛନ୍ତି।

ମିଜୋ ନ୍ୟାଶନାଲ ଫ୍ରଣ୍ଟ ୮ ଆସନରେ ଆଗୁଆ ଥିବାବେଳେ ଜୋରାମ ପିପୁଲ୍ସ ମୁଭମେଣ୍ଟ ୧୬ ଆସନରେ ଆଗୁଆ ରହିଛି। ସେହିପରି କଂଗ୍ରେସ ୬ ଏବଂ ବଜେପି ୨ ଆସନରେ ଆଗୁଆ ରହିଛି। ୪୦ ବିଧାନସଭା ଆସନ ବିଶିଷ୍ଟ ମିଜୋରାମରେ କିଏ ସରକାର ଗଢିବ ତା ଉପରେ ନଜର ରହିଛି । ମିଜୋରାମରେ ଏବେ ସରକାରରେ ଅଛି ଏମ୍ଏନ୍ଏଫ ବା ମିଜୋ ନେସନାଲ ଫ୍ରଂଟ । ହେଲେ ଏଗଜିଟ୍ ପୋଲ ଅନୁସାରେ ଜୋରାମ୍ ପିପୁଲ୍ସ ଫ୍ରଂଟକୁ ଲୋକେ ଅଧିକ ପସନ୍ଦ କରୁଛନ୍ତି । ୧୮ ମହିଳାଙ୍କ ସମେତ ୧୪୭ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ ।