ବସ୍ତା (ବଡ଼ ଖବର ବ୍ୟୁରୋ): ନିର୍ବାଚନ ତାରିଖ କ୍ରମଶଃ ପାଖେଇ ଆସୁଥିବା ବେଳେ ବିଭିନ୍ନ ଦଳର ପ୍ରାର୍ଥୀମାନେ କ୍ୟାମ୍ପେନିଂକୁ ଜୋରଦାର କରିବା ସହ ଭୋଟରମାନଙ୍କୁ ମନେଇବା ପାଇଁ ରଣକୌଶଳ ଆରମ୍ଭ କରିଛନ୍ତି । ଏହି ଅବସରରେ ଆଜି ଜଳେଶ୍ଵର ନିର୍ବାଚନମଣ୍ଡଳି ପୁଟରା ମହାଦେବ ମନ୍ଦିର ନିକଟରେ ବିଜେଡି ପକ୍ଷରୁ ବିଶାଳ କର୍ମୀ ସମ୍ମିଳନୀ ଏବଂ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି ।
ଏହି କର୍ମୀ ସମାବେଶରେ ପାଞ୍ଚ ହଜାର ଲୋକଙ୍କ ସମାଗମ ହେଇଥିବା ବେଳେ ବିଧାୟକ ପ୍ରାର୍ଥୀ ଅଶ୍ୱନୀ କୁମାର ପାତ୍ର ଯୋଗ ଦେଇ ନିର୍ବାଚନ ପରିପ୍ରେକ୍ଷୀରେ ସମସ୍ତଙ୍କର ଆଶୀର୍ବାଦ ଭିକ୍ଷା କରିଥିଲେ । ପରେ ମିଶ୍ରଣ ପର୍ବରେ ଶତାଧିକ ଅନ୍ୟ ଦଳର କର୍ମୀ ବିଜେଡିରେ ସାମିଲ ହୋଇଥିଲେ । ବିଧାୟକ ପ୍ରାର୍ଥୀ ଅଶ୍ୱନୀ ପାତ୍ର ଓଡ଼ିଶା ସରକାରଙ୍କ ଜନ କଲ୍ୟାଣ ଯୋଜନା ସଂପର୍କରେ ଲୋକଙ୍କୁ ଅବଗତ କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତ୍ୟକ ଲୋକଙ୍କ ପାଇଁ ଜନ୍ମ ଠୁ ମୃତ୍ୟୁ ପର୍ଯ୍ୟନ୍ତ ବିଭିନ୍ନ ଯୋଜନା କରି ଆଜି ଭାରତର ଶେ୍ରଷ୍ଠ ମୁଖ୍ୟମନ୍ତ୍ରୀ ହେଇପାରିଛନ୍ତି ବୋଲି କହିଥିଲେ ।
ତେଣୁ ଆଗାମୀ ନିର୍ବାଚନରେରେ ଦୁଇଟି ଶଙ୍ଖରେ ଭୋଟ ଦେଇ ଉଭୟ ବିଧାୟକ ଏବଂ ସାଂସଦ ପ୍ରାର୍ଥୀଙ୍କୁ ବିଜୟୀ କରି ବିଜେଡିର ଲୋକପ୍ରିୟତାକୁ ଆହୁରି ବଢାଇବା ସହିତ ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରିବା ପାଇଁ ଆହ୍ୱାନ ଦେଇ ଥିଲେ । ତେଣୁ ବିରୋଧୀଙ୍କୁ ନିଜର ମୂଲ୍ୟବାନ ଭୋଟ ମାଧ୍ୟମରେ ଉଚ୍ଚିତ ଜବାବ ଦେବାକୁ ଜନସାଧାରଣଙ୍କୁ ନିବେଦନ କରିଥିଲେ ।
