ଏମିତି ବି ଆସେ ମୃତ୍ୟୁ

ବିନିକା (ବଡ଼ ଖବର ବ୍ୟୁରୋ): ଏମିତି ବି ଆସେ ମୃତ୍ୟୁ । ଅଧ ଘଣ୍ଟା ବ୍ୟବଧାନରେ ମାଆ ଓ ପୁଅଙ୍କ ମୃତ ଘଟିଛି । ଏପରି ହୃଦୟ ବିଦାରକ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସହଲା ଗ୍ରାମରେ ଘଟିଛି । ସହଲା ଗ୍ରାମର ବ୍ୟବସାୟୀ ରମେଶ ବାରିକଙ୍କ ସକାଳେ ଆକସ୍ମିକ ଭାବେ ମୃତ୍ୟୁ ଘଟିଥିବା ବେଳେ ଅଧ ଘଣ୍ଟା ନ ପୁରୁଣୁ ତାଙ୍କ ମାତା ବିଲାଶ ବାରିକ ଆଖି ବୁଜିଲେ । ଏକା ସାଙ୍ଗରେ ଗୋଟିଏ ଜୁଇରେ ମାଆ ଓ ପୁଅର ଅନ୍ତିମ ସତ୍କାର ହୋଇଯାଇଛି ।

ଏହି ହୃଦୟ ବିଦାରକ ଖବର ଅଞ୍ଚଳରେ ପ୍ରଘଟ ହେବା ପରେ ଗାଁରେ ଶୋକର ଛାୟା ଖେଳିଯାଇଛି । ସୂଚନା ଅନୁଯାୟୀ ପୁଅ ଏକ ରୋଗରେ ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ । ଚିକିତ୍ସିତ ହୋଇ ଘରକୁ ଆସି ଘରେ ଥିଲେ । ଆଜି ସକାଳେ ତାଙ୍କର ମୃତ୍ୟ ଘଟିଥିଲା । ଏହି ଖବର ତାଙ୍କ ମାଆ ଜାଣିବାର ଅଧ ଘଣ୍ଟା ପରେ ମାଆର ବି ଆକସ୍ମିକ ଭାବେ ଜୀବନ ଚାଲି ଯାଇଥିଲା । ଏହି ଦୁଃଖଦ ଖବର ଗାଁରେ ପ୍ରଘଟ ହେବା ପରେ ସହଲା ଗ୍ରାମରେ ଶୋକାକୂଳ ପରିବେଶ ଖେଳି ଯାଇଛି । ମାଆ ପୁଅ ଦୁହିଁ ଙ୍କ ଶବ ଏକା ସାଙ୍ଗରେ ଜଲିଥିଲା । ପରିବାର ଲୋକ ଓ ଗ୍ରାମବାସୀଙ୍କ ଉପସ୍ଥିତିରେ ତାଙ୍କ ନାତି ମୁଖାଗ୍ନି ଦେଇଥିଲା ।