ଅସ୍ଥାୟୀ ପୋଖରୀରେ ହେବ ମୂର୍ତ୍ତି ବିସର୍ଜନ

ଭୁବନେଶ୍ୱର (ବଡ଼ ଖବର ବ୍ୟୁରୋ): କରୋନା କଟକଣା ଭିତରେ ଚଳିତ ବର୍ଷ ପାଳିତ ହୋଉଛି ଦୁର୍ଗାପୂଜା । ପୂଜା ଭଳି ଭଷାଣିକୁ ମଧ୍ୟ ନିଡାମ୍ବରରେ ସମାପନ କରିବା ପାଇଁ ହୋଇଛି ବ୍ୟପକ ପ୍ରସ୍ତୁତି । ବିଏମସି ପକ୍ଷରୁ ରାଜଧାନୀର ତିନି ପ୍ରମୁଖ ନଦୀ ଦୟା, ଭାର୍ଗବୀ, କୁଆଖାଇ କୂଳରେ ଚାରିଟି ଅସ୍ଥାୟୀ ପୋଖରୀ ଖୋଳାଯାଇଛି । ଯେଉଁଥିରେ ୧୮୦ ମୂର୍ତ୍ତି ବିସର୍ଜନ ହେବାର ବ୍ୟବସ୍ତା ରହିଛି । ଚଳିତ ବର୍ଷ ମେଢ, ମେଢର ଆକାର ଓ ସାଜ୍ଜସଜ୍ଜା କମ ରହିଛି । ବିଏମସି ଇଜଞ୍ଜିନିୟରିଂ ଟିମ ପକ୍ଷରୁ ଦୟାନଦୀ କୂଳରେ ୩୭ମିଟର ଲମ୍ବ ୨୬ ମିଟର ଓସାର ଏବଂ ୨୫ ମିଟର ଲମ୍ବ ଓ ୨୦ମିଟର ଓସାରର ଦୁଇଟି ପୋଖରୀ ଖୋଳାଯାଇଛି ।

ସେହିପରି ଟଙ୍କପାଣି ବ୍ରିଜ ନିକଟରେ ୨୫ମିଟର ଲମ୍ବ ୧୫ମିଟର ଓସାର ଓ ଦୟା ବ୍ରିଜ ନିକଟରେ ୨୫ମିଟର ଲମ୍ବ ଓ ୧୦ ମିଟର ଓସାରର ପୁଷ୍କରଣୀ ଖୋଳାଯାଇଛି । ପ୍ରତ୍ୟେକ ପୋଖରୀକୁ ଦୁଇରୁ ତିନି ମିଟର ଗଭୀର କରାଯାଇଛି । ଏହି ଅସ୍ଥାୟୀ ପୋଖରୀକୁ ଆପ୍ରୋଚ ରୋଡ ନିର୍ମାଣ କରାଯାଇଛି । ଯେପରି କିଛି ଅଘଟଣ ନଘଟିବ ସେଥିପାଇଁ ମୁଖରାସ୍ତା ଠାରୁ ଅସ୍ଥାୟୀ ପୋଖରୀ ପର୍ଯ୍ୟନ୍ତ ଲାଇଟ ଲଗାଯାଇଛି । ପୂଜା କମିଟି ସଦସ୍ୟମାନେ ନିର୍ଦ୍ଦେଶାବଳୀ ଅନୁଯାୟୀ ବୁଡ଼ ପକାଇବାକୁ ନିର୍ଦ୍ଦେର୍ଶ ଦିଆଯାଇଛି ।