ଭିତରକନିକା ମହୋତ୍ସବ, ଝୁମିଲେ ଦର୍ଶକ

କେନ୍ଦ୍ରାପଡ଼ା(ବଡ଼ ଖବର ବ୍ୟୁରୋ): ଆରମ୍ଭ ହେଲା ଭିତରକନିକା ମହୋତ୍ସବ । ରଙ୍ଗାରଙ୍ଗ କାର୍ୟ୍ୟକ୍ରମରେ ଝୁମିଲେ ଦର୍ଶକ । ତିନିଦିନ ଧରି ଚାଲିବ ଏହି ମହୋତ୍ସବ । ଦ୍ୱିତୀୟ ବର୍ଷ ପାଇଁ ରଙ୍ଗ ବେରଙ୍ଗର ଆଲୋକମାଳାରେ ସଜେଇ ହୋଇଛି ଭିତରକନିକା । ୨୦୨୦ ମସିହାରେ ଆରମ୍ଭ ହୋଇଥିବା ଭିତରକନିକା ମହୋତ୍ସବ କୋଭିଡି ଯୋଗୁଁ ବନ୍ଦ ରଖାଯାଇଥିଲା । ଚଳିତବର୍ଷ ପୁଣିଥରେ ଏହି ମହୋତ୍ସବ ଆରମ୍ଭ କରାଯାଇଛି ।

ମହୋତ୍ସବକୁ ଶକ୍ତି ମନ୍ତ୍ରୀ ପ୍ରତାପ କେଶରୀ ଦେବ ଉଦଘାଟନ କରିଥିଲେ । ଇଣ୍ଡିଆ ଟୁଡେ ପକ୍ଷରୁ ଭିତରକନିକାକୁ ମିଳିଥିବା ଶ୍ରେଷ୍ଠ ପର୍ୟ୍ୟଟନ ସ୍ଥଳୀର ମନ୍ୟତା ଟ୍ରଫିକୁ କେନ୍ଦ୍ରାପଡାବାସୀଙ୍କ ଉଦ୍ଦେଶ୍ୟରେ ସେ ସମର୍ପଣ କରିଥିଲେ । ଏହି ମହୋତ୍ସବ ତିନିଦିନ ଧରି ଚାଲିବ । ସନ୍ଧ୍ୟାରେ ରାଜ୍ୟ ଓ ରାଜ୍ୟ ବାହାରୁ ଆସିଥିବା କଳାକାରମାନଙ୍କ ନୃତ୍ୟ ଓ ସଙ୍ଗୀତରେ ଝୁମିଥିଲେ ଦର୍ଶକ ।