ସାନ୍ତାକ୍ଲସ ଦ୍ୱାରା କରୋନା ସଚେତନ ବାର୍ତ୍ତା

ପୁରୀ(ବଡ଼ ଖବର ବ୍ୟୁରୋ): ବଡଦିନ ଉପଲକ୍ଷେ ପୁରୀ ବେଳାଭୂମିରେ ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ ବାଲିରେ ସାନ୍ତାକ୍ଲସ ନିର୍ମାଣ କରିଛନ୍ତି। ଚଳିତବର୍ଷ ସାରା ବିଶ୍ବ କରୋନା ଭାଇରସରୁ ରକ୍ଷା ପାଇବ ସେ ନେଇ ନିଜ ବାଲୁକା କଳା ମାଧ୍ୟମରେ ଏଭଳି ବାର୍ତ୍ତା ଦେଇଛନ୍ତି। ସମସ୍ତେ ମାସ୍କ, ସାନିଟାଇଜର ଓ ଗ୍ଲୋବ୍ସ କିଭଳି ବ୍ୟବହାର କରିବେ ସେନେଇ ମଧ୍ୟ ନିଜ ବାଲୁକା କଳା ମାଧ୍ୟମରେ ସଚେତନତାର ବାର୍ତ୍ତା ଦେଇଛନ୍ତି ମାନସ।

ଏହି ବାଲୁକା କଳା ନିର୍ମାଣ କରିବା ପାଇଁ ମାନସଙ୍କୁ ୨ ଦିନ ସମୟ ଲାଗିଥିଲା। ଏହାର ଉଚ୍ଚତା ୮ ଫୁଟ ସହ ଏଥିରେ ୨୦ ଟନ ବାଲି ବ୍ୟବହାର ହୋଇଥିବା କହିଛନ୍ତି ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ।