ସମୀରଙ୍କ ଦଳବିରୋଧୀ କାର୍ଯ୍ୟକୁ ନିନ୍ଦା କଲେ ବିଜେଡି ପ୍ରାର୍ଥୀ ଦିଲ୍ଲୀପ ନାୟକ

ନିମାପଡ଼ା(ବଡ଼ ଖବର ବ୍ୟୁରୋ): ନିର୍ବାଚନ ଯେତିକି ପାଖେଇ ଆସୁଛି ନିମାପଡ଼ା ରାଜନୀତିରେ ସେତିକି ଗୋଳମାଳିଆ ପରିସ୍ଥିତି ଉପୁଜିଛି । ଶନିବାର ନିମାପଡା ମହୋତ୍ସବ ପଡିଆରେ ବିଧାୟକ ସମୀର ଦାସଙ୍କ ୫୮ ଜଣ ସମର୍ଥକ ସମୀର ଦାସଙ୍କୁ ଇସ୍ତଫା ପତ୍ର ପ୍ରଦାନ କରିବା ସହ ଆଗାମୀ ଦିନରେ ଆହୁରି ଅନେକ କର୍ମୀ ଇସ୍ତଫା ଦେବେ ବୋଲି କହିଥିଲେ। ଅନ୍ୟପଟେ ବିଜେଡିରୁ ଟିକେଟ ପାଇଥିବା ବିଧାୟକ ପ୍ରାର୍ଥୀ ଦିଲ୍ଲୀପ ନାୟକଙ୍କ ସମର୍ଥକମାନେ ସମୀରଙ୍କ ଦଳବିରୋଧୀ କାର୍ଯ୍ୟକୁ ନିନ୍ଦା କରିଛନ୍ତି । ଯାହାକୁ ନେଇ ଦିଲ୍ଲୀପ ନାୟକ ସାମ୍ବାଦିକ ସମ୍ମିଳନୀ କରି ସମୀରଙ୍କ ଉପରେ ଅସନ୍ତୋଷ ଝାଡିଛନ୍ତି । ସମୀର ଦଳରେ ବିଶୃଙ୍ଖଳା କରୁଛନ୍ତି ଓ ଆଗାମୀ ଦିନରେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିକ୍ରିୟା ଦେଇଛନ୍ତି ।