ବିଜେପି ଗୁଣ୍ଡାଗର୍ଦ୍ଦି କରିଛି: ଗୌତମ ବୁଦ୍ଧ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଝାରସୁଗୁଡ଼ାରେ ନିର୍ବାଚନୀ ପ୍ରଚାର ବେଳେ ହୋଇଥିବା ହିଂସାକୁ ନେଇ ସିଇଓଙ୍କ ପାଖରେ ଫେରାଦି ହୋଇଛି ବିଜେଡି । ବିଜେପି ଗୁଣ୍ଡାଗର୍ଦ୍ଦି କରିଥିବା ବିଜେଡି ଅଭିଯୋଗ କରିଛି । ବିଜେଡି ମୁଖପାତ୍ର ଗୌତମ ବୁଦ୍ଧ ଦାସ କହିଛନ୍ତି, ଲାଇକେରା ଅଞ୍ଚଳରେ ବିଧାୟିକା କୁଶୁମ ଟେଟେ ଓ ଟଙ୍କଧର ତ୍ରିପାଠୀ ପ୍ରଚାର କରୁଥିଲେ। ସେଠାରେ ବିଜେଡି କର୍ମୀମାନେ ଘରକୁ ଘର ବୁଲି ପ୍ରଚାର କରୁଥିଲେ। ଏହି ସମୟରେ ବିଜେପି ବିଜେଡି କର୍ମୀଙ୍କୁ ଗାଳି ଗୁଲଜ ସହ ଜାତିଆଣ ଆକ୍ଷେପ କରିଥିଲେ। ଏବଂ ବିଜେପି କର୍ମୀମାନେ ବିଜେଡି କର୍ମୀଙ୍କୁ ଠେଙ୍ଗାରେ ଆକ୍ରମଣ କରିଥିଲେ । ଗୌତମ ବୁଦ୍ଧ କହିଛନ୍ତି, କେବଳ ଏଠି ନୁହେଁ ପଦ୍ମପୁରରେ ମଧ୍ୟ କୁସୁମ ଟେଟେ ମଧ୍ୟ ଏମିତି ଆଚରଣ କରିଥିଲେ। ବିଜେପି ନେତାଙ୍କ ଉପରେ କାର୍ଯ୍ୟାନୁଷ୍ଠାନ ସହ ଶାନ୍ତିଶୃଙ୍ଖଳାରେ ନିର୍ବାଚନ କରିବା ପାଇଁ ଦାବି କରିଛି ବିଜେଡି ।