ମହାସ୍ନାନ ହେଲେ ମହାବାହୁ
ପୁରୀ (ବଡ଼ ଖବର ବ୍ୟୁରୋ): ଶ୍ରୀମନ୍ଦିରରେ ରକ୍ତର ଛିଟା । ଦୁଇ ଶ୍ରୀମନ୍ଦିର ପୋଲିସ କର୍ମଚାରୀଙ୍କ ଭିତରେ ମାରପିଟ୍ରୁ ଜଣେ ପୋଲିସ କର୍ମଚାରୀଙ୍କ ମୁଣ୍ଡଫାଟି ରକ୍ତ ବୋହିଥିଲା । ଶ୍ରୀମନ୍ଦିର ଭିତରକାଠରେ ରକ୍ତ ଛିଟା ପଡିଥିବାରୁ ଶ୍ରୀଜିଉଙ୍କୁ ମହାସ୍ନାନ କରାଯାଇଛି ।
ଆଜି ମଧ୍ୟାହ୍ଣ ଧୂପ ସମୟରେ ଏହି ଗଣ୍ଡଗୋଳ ହୋଇଥିଲା । ଜଗନ୍ନାଥ ଟେମ୍ପୁଲ ପୋଲିସର ଦୁଇ କର୍ମଚାରୀ ଗଙ୍ଗା ପ୍ରଧାନ ଓ ମନୋଜ ପାଣିଗ୍ରାହୀଙ୍କ ଭିତରେ କଥାକଟାକଟି ପରେ ମାରପିଟ ହୋଇଥିଲା । ଏଥିରେ ମନୋଜଙ୍କ ମୁଣ୍ଡ ଫାଟିଯାଇଥିଲା । ଗୁରୁତର ମନୋଜଙ୍କୁ ପୁରୀ ମେଡିକାଲରେ ଭର୍ତ୍ତି କରାଯାଇଛି । ତେବେ ଏନେଇ ଥାନାରେ କୌଣଷି ମାମଲା ହୋଇନାହିଁ ।