ନିଖୋଜ ଯୁବକଙ୍କ ମୃତଦେହ ଉଦ୍ଧାର
ଧାମନଗର(ବଡ଼ ଖବର ବ୍ୟୁରୋ): ବନ୍ୟାଜଳରେ ଭାସିଯାଇ ଯୁବକ ନିଖୋଜ ଘଟଣା । ମିଳିଲା ଯୁବକଙ୍କ ମୃତଦେହ । ଗତକାଲି ଅଗ୍ନିଶମ ବାହିନୀ ବହୁ ଖୋଜା ଖୋଜି ପରେବି ଯୁବକଙ୍କ କୌଣସି ପତ୍ତା ମିଳିନଥିଲା । ଆଜି ସକାଳୁ ମୃତଦେହ ଘୁସୁରା ପାଖ ବିଲରେ ଭାସୁଥିବା ସ୍ଥାନୀୟ ଲୋକ ଦେଖିବାକୁ ପାଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବାହିନୀଙ୍କ ସହାୟତାରେ ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ପଠାଇଛନ୍ତି ।
ସୂଚନା ଅନୁସାରେ ଗତକାଲି ସଞ୍ଜୀବ ପଣ୍ଡା ନାମକ ଜଣେ ଯୁବକ ନିଜ ବାଇକରେ ଭଦ୍ରକରୁ ନିଜ ଘର ଯାଜପୁରକୁ ଫେରୁଥିଲେ । ଧୂଷୁରୀରୁ ଯାଜପୁରକୁ ସଂଯୋଗ କରୁଥିବା ରାସ୍ତା ହରିହଂସ ଘୁସୁରା ନିକଟରେ ପ୍ରଖର ସୁଅରେ ଭାସି ଯାଇ ଥିଲେ । ଆଜି ତାଙ୍କ ମୃତଦେହ ଜବତ କରାଯାଇଛି ।